Mańǵystaýda oblystyq departamentke jańa basshy taǵaıyndaldy

Elimizdiń Ulttyq ekonomıka mınıstrligi Mańǵystaý oblysy boıynsha Tutynýshylardyń quqyqtaryn qorǵaý departamentiniń basshysy bolyp Rabıǵa Tóleýqyzy Mılıbaeva taǵaıyndaldy, dep habarlaıdy QazAqparat. Mılıbaeva Rabıǵa Tóleýqyzy 1963 jyldyń 28 qazanynda týǵan. Eńbek ótili: 1987-2000 jj. - Pavlodar oblysynyń Ýspensk aýdandyq sanıtarlyq-epıdemıologııalyq stansysynyń epıdemıolog dárigeri; 2000-2001 jj. - Pavlodar oblysynyń Ýspensk aýdanynyń Bas memlekettik sanıtarlyq dárigeri; 2001-2004 jj. - Pavlodar oblysynyń Memlekettik sanepıdqadaǵalaý departamentiniń uıymdastyrý-ádistemelik bóliminiń bastyǵy; 2004-2005 jj. - Astana qalasynyń Memlekettik sanepıdqadaǵalaý departamentiniń balalar jáne jasóspirimder bóliminiń bas mamany; 2005-2013 jj. - Densaýlyq saqtaý mınıstrliginiń Memlekettik sanepıdqadaǵalaý Komıtetiniń sanıtarlyq-gıgıenalyq qadaǵalaý basqarmasynyń sarapshysy, bas sarapshysy; 2013-2014 jj. - Tutynýshylardyń quqyqtaryn qorǵaý agenttiginiń sanıtarlyq-epıdemıologııalyq monıtorıng jáne memlekettik qyzmet basqarmasynyń basshysy; 2014-2015 jj. Ulttyq ekonomıka mınıstrligi Tutynýshylardyń quqyqtaryn qorǵaý komıtetiniń bas sarapshysy; 2015 j. - Mańǵystaý oblysy tutynýshylardyń quqyqtaryn qorǵaý departamenti basshysynyń orynbasary qyzmetterin atqarǵan. Aıta keteıik, ol buǵan deıin atalǵan Departament basshysynyń orynbasary boldy.