Salmaǵy 900 gramm sábıge ota jasaldy

Pavlodarda alǵash ret salmaǵy 900 gramm, shala týǵan sábıdiń júregine ota jasaldy, dep habarlaıdy pavlodarnews.kz. Bul týraly oblystyq kardıologııalyq ortalyq týa bitken júrek aqaýlary bóliminiń meńgerýshisi Tımýr Raıymhanov málim etti. - Bıyl 6-tamyz kúni Sofııa Mıhacheva ashyq arterııalyq tútik dıagnozymen dúnıege kelgen. Júktiliktiń 24-shi aptasynda týǵan sábı úsh aı boıy jasandy ventılıasııa apparaty arqyly demaldy jáne salmaq qospady. Eshqandaı oń ózgeris bolmaǵan soń, ashyq tútikti jabý týraly sheshim qabyldanǵan bolatyn. Nátıjesinde 4-qarasha kúni kardıologııalyq ortalyqtyń brıgadasy ótkizgen ota sátti aıaqtaldy. Buǵan deıin mundaı salmaqpen týǵan balaǵa ota jasalmaǵan. Ádette, preparattarmen emdeýge tysyrasamyz. Qazir balanyń jaǵdaıy jaqsarǵan. Salmaǵy bir keli 200 grammǵa jetti jáne alańdaýǵa negiz joq dese bolady. Dárigerdiń aıtýynsha, jyl saıyn kardıologııalyq ortalyqta jas ereksheligi ártúrli, júrek aqaýy bar 100-den astam balaǵa ota jasalady.