Jambyl oblysynda 2016 jylǵy 9 aıdaǵy eksport 848 mln 279 myń AQSh dollaryn, saýda aınalymynyń jalpy kólemine shaqqanda 73,3%, jalpy salmaǵy 1 mln.93 myń 99 tonnany qurady. Bul týraly Jambyl oblysy ákiminiń baspasóz qyzmeti habarlady.
2016 jylǵy 9 aıdaǵy Syrtqy saýda aınalymy 1 mlrd. 156 mln. 576 myń AQSh dollaryn quraǵan. 2016 jylǵy 9 aıda Departamenttiń Syrtqy saýda aınalymy 2015 jylǵy kezeńimen salystyrǵanda 309 mln. 642 myń AQSh dollaryna nemese - 21% tómendedi. Bul rette Qazaqstan Respýblıkasynyń jalpy kólemine shaqqandaǵy Syrtqy saýda aınalymynyń úlesi 3,3% qurady.
2016 jylǵy 9 aıdaǵy ımport 308 mln 297 myń AQSh dollaryn, saýda aınalymynyń jalpy kólemine shaqqanda 26,7%, jalpy salmaǵy 363 myń 954 tonnany qurady.
2016 jylǵy 9 aıdaǵy kedendik tranzıt keden rásimi boıynsha resimdelgen taýarlardyń kólemi 5 myń 130 tonnany qurady.
Importtyń negizgi taýar qurylymy esepti kezeńde kelesideı boldy:
2016 jylǵy Import: azyq-túlik taýarlary 40,6% (olardyń ishinde 89% shıki qamysty qant), mashınalar, jabdyqtar, kólik quraldary, apparattar 28,1%, toqyma men toqyma ónimderi 4,1%, hımııalyq ónerkásip ónimi 3,6%, aıaq kıim 2,9%.
2016 jylǵy Eksport: hımııalyq ónerkásip ónimi 94,6%, mıneraldyq ónim 3,6%, metaldar men olardan jasalǵan ónimder 0,8%, azyq-túlik taýarlar 0,6%,mashınalar men jabdyqtar, kólik quraldary, apparattar 0,4%, bylǵary shıkizaty 0,1% quraǵan.
