Nııazymbetovtiń qurmetine balalar kıimi shyǵaryldy

Ortalyq kommýnıkasııalar qyzmetinde «Halyq markasy» Qazaqstandyq taýarlar men qyzmetterdiń sapasyn baqylaý júıesi federasııasy» zańdy tulǵalar birlestiginiń prezıdenti Rımma Tájibaevanyń qatysýymen baspasóz konferensııasy ótti. Spıker otandyq ónimniń qazirgi ýaqyttaǵy damý qarqyny jóninde áńgimeledi. «Astanada jaqynda ashylǵan «Halyq markasy» saýda ortalyǵy qazaqstandyq taýarmen tolyǵýda. Bir jerge toptasqan tek ulttyq brendti tutynýshylardyń qatary kún sanap artyp keledi. Ashylǵanyna birer aı ǵana bolǵan bul saýda alańyndaǵy taýarlardyń barlyǵy otandyq óndirýshilerdiń qolynan shyqqan. Sheteldik ónimderden kem túspeıdi, taýarlar sapaly ári qoljetimdi», – dedi R.Tájibaeva. Onyń aıtýynsha, otandyq ónimniń basyn qosqan alańnyń artyqshylyǵy, satýshylar oryndy jalǵa alǵany úshin aqy tólemeıdi, taýaryn tegin qoıady. «Qazirgi tańda taýar aınalym kólemi 30 mıllıonnan astam. Búginge deıin bul pavılonda 100 shaqty kompanııa óz ornyn alyp úlgerdi. 10 myńnan astam otandyq taýardyń úlgisi bar. Sondaı-aq 500 brendti taýar ornalastyrý josparlanýda. Sol arqyly pavılon 100 myńnan astam otandyq taýarǵa tolyǵady, – dep málimdedi spıker. – Qazir biz EKSPO-2017 qarsańynda qalanyń týrıstik kartasyna endik, óıtkeni kelýshi qonaqtardyń bári, sonyń ishinde sheteldik azamattar qazaqstandyq ónimdi izdeıtin bolady. Atalmysh kartaǵa tek otandyq ónimder satatyn saýda oryndary enedi. Sondaı-aq qala ishinde tek otandyq taýardy saýdalaıtyn 7 Duty Free marketi ashylady». Sondaı-aq, shara barysynda Mańǵystaý oblysynyń qoldaýymen, Olımpıadanyń eki dúrkin kúmis júldegeri Ádilbek Nııazymbetovtiń qurmetine «ZIBROO FOR ADOKA» balalar sporttyq kıimderin tanystyrý rásimi ótti. Aıdar О́risbaev, "Egemen Qazaqstan".