«Juldyzdar toǵysqanda» fılminiń tusaýkeseri ótti

Jaqynda Qazaqstan Respýblıkasynyń Grek Respýblıkasyndaǵy elshiligi «Sh.Aımanov atyndaǵy Qazaqfılm» AQ-pen birlesip, Táýelsizdigimizdiń 25 jyldyǵy men Qazaqstannyń Tuńǵysh Prezıdenti kúnine oraı Aharne qalasynda «Juldyzdar toǵysqanda» atty fılmniń kórsetilimin ótkizdi. Kórsetilim turǵyndarynyń basym bóligi burynǵy otandastyrymyz – qazaq­standyq grekterden turatyn qalada ót­kizilse, munyń ózindik nyshandyq máni bar edi. Shaqyrylǵan qonaqtar arasynda Grek Respýblıkasynyń qoǵam jáne saıası qaıratkerleri, dıplomatııalyq korpýs, isker top jáne mádenıet ókilderi, Aharne qalasynyń basshylyǵy boldy. Qazaqstan Respýblıkasynyń Grek Respýblıka­syn­daǵy Tótenshe jáne ókiletti elshisi A.Volkov fılm aldyndaǵy sózinde «Qazaqstannyń Tuńǵysh Prezıdenti tek óz memleketiniń ǵana emes, kópshi­lik­pen moıyndalǵan jalpy Ortalyq Azııanyń kóshbasshysy ekenin, sonymen qatar, ıadro­lyq qarýdy taratpaý, qarýsyzdaný sala­­laryna qosyp kele jatqan zor úlesi álem memleketteriniń basshylary men halyqaralyq uıymdar tarapynan moıyn­dalǵan tulǵa» ekenin atap kórsetti. Is-shara sońynda qonaqtar fılmnen alǵan áserlerimen bólisti. Qazaq­stan­nyń oryndy maqtanyshy sanalatyn ultaralyq kelisim saıasatyn tolyqtaı qoldaı­tyn­daryn bildirip, burynǵy otandastary­na degen saǵynyshtaryn jasyrmaı aıtty. «Egemen-aqparat»