О́zin ózi «tonapty»

Jýyrda kóshede bolǵan kólik qaqtyǵysy kezinde «Aýdı» men «Lada prıora» kóligi soqtyǵysyp qalyp, reseılik kólikten túsken jigitter álimjettik qylyp, mashı­nadaǵy iri kólemdegi aqshany alyp qashyp ketken. Oblystyq IID taratqan málimette osylaı dep habarlandy. Aqshasyn aldyrǵan azamat kúıinip, polısııaǵa aryzdandy. Ońaı aqsha emes, 10 mln teńge. Osy iske polısııanyń jedel ýákilderi, krımınalıster men tergeýshiler jumyldyrylǵan. Oblystyń polıseıleri bir kisideı jumylyp, tapa-tal túste júrgizýshini úptep ketken qaraqshylardy izdep júrgende aqshasy qoldy bolǵan azamat murtynan kúlip júripti. Osy qylmysty uıymdastyrýǵa baılanysty kúdik ózine túskende ǵana ury kúlkisi tyıylǵan. «Baqsam, baqa eken» demekshi, «tonaýshylar» men «tonalýshylar» uıymdasyp, osy ssenarııdi daıyndaǵan eken. Tergeý barysynda iri saýda ornynyń ókili bolyp jumys jasaıtyn 1986 jylǵy azamat óz kúnásin tolyq moıyndapty. Ol sol kúni saýda ornynan iri kólemde aqsha alyp shyǵyp, sybaılastaryna to­natý arqyly iz jasyrǵysy kel­gen. Alaıda, aram oıy iske aspady. Baqtııar TAIJAN, «Egemen Qazaqstan» Ońtústik Qazaqstan oblysy