Ýnıversıada: Ulan sarbazdary til meńgerýde

Biz buǵan deıin de aldaǵy kúnderi Almatyda ótetin qysqy Ýnı­versıadaǵa 30 myńǵa jýyq sheteldik týrıst kele­di dep boljanyp otyrǵanyn habarlaǵanbyz. Jarys ót­kizilip jatqan kúnderi qala qonaqtary men týrıs­ter­diń adasyp ketpeýlerine, dittegen jerine ońaı jetýlerine jaýapty uıymdar bar. Sonyń biri – Ulttyq ulannyń «Ońtústik» óńirlik qolbasshylyǵyna qarasty 5571-áskerı bóliminde Ýnıversıada kezinde qoǵamdyq tártip pen qaýipsizdikti qamtamasyz etetin kelisimshart negizinde Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń oqytýshylary men magıstranttary aǵylshyn tilinen kýrstar ótkizýde. Áskerı qyzmetshileri men merzimdi qyzmet sarbazdaryna ótkizilgen kýrstar aǵylshyn tilin kúndelikti qarapaıym qa­rym-qatynas tilinde úıretýdi qarastyrady. Joǵaryda atap ót­­kendeı, jón suraǵan, jol sura­­ǵan adamǵa belgili bir baǵyt­ty kór­sete bilýi úshin Ulttyq ulan­­nyń áskerı qyzmetshilerine aǵyl­­shyn tiliniń tildesý máde­nıe­tin meńgerý mindettelgen bolatyn. Sonymen, aǵylshyn tilin halyq­­aralyq dárejede meńger­gen atalmysh ýnıversıtettiń jıyr­maǵa jýyq oqytýshysy men magıstranty áskerı qyz­met­shilerdiń az ǵana ýaqytta shet tiliniń qarapaıym sóılesý-tildesý túrin úırenýi úshin baryn saldy. Jedel kýrstarǵa kóptegen oqý-ádistemelik qural­daryn da ala kelip, orys jáne qazaq til­derinde aptasyna úsh saǵattan sabaq­tar ótkizdi. Sabaq­tar batalon quramyndaǵy rotalar býy­nynda toptarǵa bóli­nip ótki­zildi. 9-rota sarbazdaryna tálim bergen ýnıversıtet magıst­ranty Nazerke Smaǵul: «Jalpy áskerı qyzmetshiler men sarbazdarǵa aǵylshyn tiliniń «Elementary», ıaǵnı qarapaıym deńgeıi boıynsha sabaqtardy ótkizý barysynda baıqaǵanym, jaýyngerlerdiń basym bóligi shet tiliniń bastapqy deńgeıin meńgergen, bul − qýantarlyq jaıt. Ulttyq ulan qataryna kóbine joǵary bilimdi azamattar qabyldanatyndyqtan, aǵylshyn tiliniń alǵashqy deńgeıin bilýi zańdy da», deıdi. Sar­bazdarmen birge sabaq­tarǵa qatysqan 9-rota koman­dıriniń tárbıe jáne áleýmettik-quqyqtyq jumystary jónindegi orynbasary, aǵa leıtenant Tursynbaı Akbarov: «Bizdiń rotadaǵy sarbazdardyń bir­qatary­nyń joǵary jáne arnaıy orta bilimi bar. О́tkizilgen sabaqtar barysynda olar tildi meńgerý deńgeılerin esterine túsirip, oqytýshymen birge bilimderin pysyqtady», dedi. Mundaı kýrstar aldaǵy aptalarda Qarakemer kentinde ornalasqan Ulttyq ulannyń 6654-bóliminiń oqý beketinde jalǵasady. Aıta keteıik, Almaty qala­syn­da 2017 jylǵy qańtar-aqpan aılarynda ótkizilgeli otyrǵan 28-shi qysqy Ýnıversıada kezin­de myńnan asa Ulttyq ulan jaýyn­gerleri qoǵamdyq tártip pen el tynyshtyǵyn kúzetetin bolady. Aınash ESALI, «Egemen Qazaqstan» ALMATY