Elektr baılanysynyń halyqaralyq keńesi keshe aqparattyq-kommýnıkasııalyq tehnologııalardyń jańa damý kórsetkishterin jarııalady, dep habarlaıdy BUU jańalyqtar ortalyǵy. Qazaqstan IT-kommýnıkasııanyń damýy boıynsha álemdik reıtıngte 52-orynda tur. Alǵashqy bestikke Koreıa Respýblıkasy, Islandııa, Danııa, Shveısarııa men Ulybrıtanııa kirgen.
Bir aıta keterligi, Qazaqstan TMD elderi ishinde bul kórsetkish boıynsha úshinshi orynda tur. Álemdik reıtıngte Belarýs 31-shi, Reseı 43-orynǵa jaıǵasyp, TMD ishinde sáıkesinshe birinshi jáne úshinshi oryn aldy.
Baıandamada 2016 jyldyń sońyna qaraı jer sharynyń 95 paıyzy uıaly baılanys sıgnaldarymen qamtylatyny aıtylǵan. Sarapshylardyń aıtýynsha, planetamyzdaǵy 15-74 jastaǵy adamdardyń 85 paıyzy uıaly baılanysty qoldanady.
Sonymen qatar álemniń 47 paıyzy Internetke qosylǵan jáne 3,9 mlrd adam ony múldem qoldanbaıdy.
