Ilıa Ilın sporttan ketetinin málimdedi

Ortalyq kommýnıkasııalar qyzmetinde ótken baspasóz máslıhatynda aýyr atletıkadan eki dúrkin Olımpıada jáne tórt dúrkin álem chempıony Ilıa Ilın sporttyq mansabyn aıaqtap, endi bar kúshin bilim alýǵa jumsaıtynyn aıtty. «Bos ýaqytty belgili maqsatta paıdalaný kerek. Meniń sporttyq mansabym ókinishti bolsa da, osymen aıaqtaldy. Bul esikti jaýyp, kelesi esikti ashý kerek. Alaıda kelesi kezeńge ótý úshin bilim kerek. Sondyqtan, men MVA-ǵa túsýdi jón sanadym. Biz 2 ǵasyr ómir súrmeımiz. Bar joǵy 1 ǵasyrǵa jeter jetpes ýaqyt peshenemizge jazylǵan. Sondyqtan barlyǵyn ýaqytynda isteý kerek», - dedi álem chempıony. Osy oraıda Ilıa Ilın aldaǵy josparlarymen bólisti. «Men aǵylshyn tilin úırenip jatyrmyn. Jaqynda MVA-ǵa tústim. Ázirshe bir sabaqta ǵana boldym. Oqý 9 jeltoqsanda bastalady. Aǵylshyndy kóterýim kerek. Senbi, jeksenbi kúnderi taǵy sabaq oqımyn. Meniń oıymsha, bul bolashaqta kerek. Sebebi, aldaǵy ýaqytta men bıznestiń ne ekendigin bilýim kerek. Ziltemir kóterýden basqa da nárselerdi úırenýim qajet. Iаǵnı bilimsiz, tájirıbesiz óz maqsatyńa jete almaısyń», - dedi tanymal qazaqstandyq sportshy. Sonymen qatar Ilıa Ilın mınıstrliktegi jumysynan ketetinin aıtty. "Men adal jumys istedim. Bul analızder "sen jumys isteı almaısyń" dep jatyr. Oılana kele, qazir jumysymdy qoıyp, oıymdy jınaqtaý kerekpin dep sheshtim.Aldyma maqsat qoıyp, baǵytymdy anyqtap, sodan keıin meni jumysqa alýdy suraımyn. Men bir keremet bolady dep kútip edim. Biraq olaı bolmady. Sondyqtan ázirge ótinish jazyp, qorytyndy jasaýǵa asyqpaý kerek dep oılaımyn", dedi Ilın. Esterińizge sala keteıik, QR Ulttyq Olımpıada komıteti Halyqaralyq Olımpıada komıtetinen 2008 jáne 2012 jyldardaǵy Olımpıada oıyndaryna qatysqan qazaqstandyq sportshy Ilıa Ilınge qatysty jaza qoldanylǵandyǵy týraly resmı habarlama alǵan bolatyn. Sportshyǵa qoldanylatyn jazanyń merzimin Halyqaralyq aýyr atletıka federasııasy (IWF) anyqtaıdy.