Kedenshiler Aqtaý deklarasııasyn qabyldady

2016 jylǵy 23 qarashada Aqtaý qalasynda Jibek joly elderiniń arasyndaǵy saýdaǵa járdemdesý jáne jeńildetýdiń Kedendik ákimshilikterdiń 7-shi Halyqaralyq Forýmy óz jumysyn aıaqtady. Forýmnyń jumysyna Qazaqstan Respýblıkasy Qarjy mınıstrliginiń Memlekettik kirister komıteti tóraǵasynyń orynbasary Gosman Amrın, Túrik Respýblıkasynyń Keden jáne saýda mınıstrliginiń Vıse-mınıstri Remzı Akchyn, Túrkitildes memleketterdiń yntymaqtastyǵy keńesiniń bas hatshysynyń orynbasary Abzal Saparbekuly,  Ázirbaıjan, Qyrǵyzstan, Qytaı, Grýzııanyń kedendik qyzmet basshylarynyń birinshi orynbasarlary, sondaı-aq «Aqtaý» jáne «Baký» teńiz porttarynyń basshylary qatysty. Jıynnyń qortyndysynda qatysýshylar Aqtaý deklarasııasyn qabyldady. Onda tasymaldaýlardy tezdetý men olardyń tartymdylyǵyn arttyrý maqsatynda kóliktik dálizderdiń jumys yrǵaǵyn kóterý; «Kerýen-Saraı jlıýasy», «Bir Belbeý Bir Jol» jáne basqa da mańyzdy baǵdarlamalardy kelisý men júzege asyrý arqyly Jibek joly elderiniń arasyndaǵy yntymaqtastyqty jandandyrý; saýdadaǵy prosedýralardyońtaılandyrýdyń túrli mehanızmderin qoldaný; shekarany asý prosedýralaryn odan ári jańǵyrtý, bar ınfroqurylymdy jetildirý, sondaı-aq kedendik tekseristerdiń joǵary tehnologııalaryn engizý belgilengen. Otyrysty aıaqtaı otyra, Gosman Amrın kedendik ákimshilendirýdi ońtaılandyrýdaǵy jaǵymdy tendensııany atap ótti jáne qatysýshylarǵa bul baǵyttaǵy tyǵyz yntymaqtastyq úshin alǵysyn bildirdi.