JAŃA...

...ORKESTR TUSAÝ KESTI Buǵan deıin oblys mádenıeti men ónerindegi «bir kem dúnıe» – ulttyq aspaptyq orkestri bolyp kelgen.  Kóp jyldardan bergi izdenis óz nátıjesin berip, jaqynda oblystyq fılarmonııa­nyń janynan jańa ulttyq aspaptar orkestri dúnıege keldi. Alpystan astam talantty óner qaıratkerlerinen turatyn óner ujymyna belgili dırıjer K.Serimbetov pen M.Rahmanqulov jetekshilik etýde. Oblys kórermenderi men qonaqtary Naýryz merekesi qar­sańynda orkestrdiń oryn­daý­ynda Túrkeshtiń «Kóńilashar», Qurmanǵazynyń «Serper», «Balbyraýyn», Nurǵısa Tilen­dıevtiń «Álqıssa», «Mahabbat», Yqylastyń «Jezkıik» jáne Ábdimomyn Jeldibaevtyń «Erke sylqym» dep atalatyn kúılerin súısine tyńdaıtyn bolady. Kósemáli SÁTTIBAIULY. Jambyl oblysy. * * * ...REKTOR JUMYSQA KIRISTI Bilim jáne ǵylym mı­nıstr­li­giniń buıryǵymen oblys or­ta­lyǵyndaǵy memlekettik peda­go­gıkalyq ınstıtýtynyń rektory bolyp pedagogıka ǵylymdary­nyń doktory, professor Tahır Balyqbaev taǵaıyndaldy.  Ob­lys ortalyǵyndaǵy pedago­gı­ka­lyq ınstıtýt osydan on jyldaı ýaqyt buryn ashylǵan bolatyn. Qazir munda 10 myńdaı stýdent bilim alýda. Jańa rektor buǵan deıin Bilim jáne ǵylym mınıstrliginiń bilim berýdiń memlekettik stan­dart­tary men testileýdiń ulttyq ortalyǵynyń dırektory, ǵylym salasyndaǵy baqylaý jáne attestattaý komıtetiniń tóraǵasy sııaqty qyzmetter atqarǵan. Pro­fessor Tahır Balyqbaevtyń júzden astam ǵylymı eńbegi, ar­naıy jazǵan oqý-ádistemelik qu­ral­dary, monografııalary bar. Farıda BYQAI. Pavlodar. * * * ...JÝRNAL JARYQ KО́RDI Oblysta qazaq jáne orys tilderindegi «Bilezik» qoǵamdyq-saıası, ádebı-kórkem túrli-tústi jýrnalynyń tusaýkeser sany jaryq kórdi. Onyń  quryltaı­shy­sy – «Shamshyraq-Aqtóbe» JShS. Jýrnaldyń alǵashqy betinde oblys ákiminiń orynba­sa­ry Sara Nurqatovanyń jańa ba­sylymǵa quttyqtaý tilegi  ba­syl­ǵan.  Ol  jýrnaldyń oqyr­man­dardyń naǵyz syrlasyna aınalatyndyǵyna, elimizde atqa­ry­lyp jatqan uly isterge  eleýli úles qosyp kele jatqan ana­larymyz ben apa-qaryndas­ta­rymyzdyń  úlgili isteriniń jar­shy­sy bolaryna senim artady. Elimizdiń aýmaǵyna taraty­latyn jýrnaldyń alǵashqy sany ázirge 2000 danamen jaryq kór­gen. Odan óńirdegi  aıaýly  analar men túrli salada qajyrly eńbek etip júrgen qyz-kelin­shekter  týraly mol maǵlumattar alýǵa bolady. Satybaldy SÁÝIRBAI. Aqtóbe.