Salǵyrttyq basym

Erteden kele jatqan kóne meı­ramdy qazaq hal­qy da jara­sym­dy salt-dástúr­men qarsy ala­tyny ózimizge málim. «Ulys­tyń uly kúni» dep erekshe qa­dirlep-qasterleıtin jańa jy­ly­myzdy teriskeı jaq ta qal-qa­derinshe atap ótip júr. Desek te, kóbine án-jyr, toı-dýman tasa­synda qa­lyp, qatardaǵy merekelerden aı­yrmashylyǵy bolmaı qalaty­ny ­jasyryn emes. Kók­temniń alǵash­qy jarshysy – áz Naýryzǵa ázir­lik jaıyn bilmek bolyp tıisti oryndarmen habar­las­qan edik. О́ıt­keni, bul mere­keniń jyl ótken saıyn mán-maǵynasynyń toly­ǵyp, ulttyq naqyshtarmen ba­ıytyla túsetini zańdy. Sóıtsek, Halyq shyǵar­ma­shylyǵy jáne mádenı qyzmet kórsetý ortalyǵy aqyndar aı­ty­syn ótkizýge bel býypty. Iá, áz Naýryzdy aıtys­sy­z kózge el­estetý qıyn. Onyń ústine sońǵy kezderi óńirimizde jandanyp kele jatqan aıtys ónerin nası­hat­taýdyń bir shara­sy bul. Alaıda, aqyndar aı­ty­syn meırammen qa­tarlastyryp bir kúnde ótkizbek kórinedi. Ári ony tańerteń­gi­lik­ke belgilepti. Buny ótkizdik atty jasaýdyń bir kórinisi demeske shara joq. Ob­lystyq mádenıet basqarma­sy­nyń bastyǵy D.Malaev birese aqsaqaldardyń usy­nysy edi, birese shetten keletin aqyndar asy­ǵys edi dep qyryq syltaýdy kóldeneń tartqan. Ol tipti or­ta­lyq alańda S.Muqanov atyndaǵy qazaq sazdy-drama teat­ry jylda uıymdastyratyn «Áz Naýryz» sahnalyq qoıy­ly­my­nyń ótetinin de tap basyp aıta almady. Aýyl- sharýashylyq jármeńkesi bolaty­ny, kıiz úı­ler tigiletini, Tú­men­niń Iаmal-Ne­nes okrýginen márte­beli meımandar keletini sekildi jal­py­lama jáıt­terdi baıandaýmen shek­teldi. Qa­rajat jaǵy sheshilse, jeztańdaı ánshi Qapash Qu­ly­shevany sha­qyr­maq kórinedi. Qys­­qasy, áli oılanyp-tolǵanýmen júr. Odan tushymdy aqparat ala almaǵannan keıin oblys ákiminiń orynbasary, Naýryz meıramyn ótkizý jónindegi uıymdastyrý komıssııasynyń tóraǵasy F. Qý­anǵanovpen sóı­le­sýge týra keldi. Farhad Shaı­muratuly ulttyq naqyshqa kó­bi­rek oryn beriletinin, áli taqy­ryp­tyq jospar bekitilmegenin, sodan keıin bári aıqynda­la­ty­nyn jetkizse, Petropavl qalasy ákiminiń orynba­sary Mádına Bal­ǵashoqova, ishki saıasat bóli­mi­niń jetekshisi Gúl­nár Muqanova, mádenıet bólimi­niń bastyǵy Aıan Sadaev saılaý ýchaskelerinde me­re­keniń atap óti­letinin tilge tıek etti. Al, kóshelerde kóktemniń bastalýyn, jańarýyn aıshyq­taı­tyn bılbordtar, ǵıbratty ja­zýlar ilinbegennen keıin daı­yn­dyqtyń qandaı dárejede ekenin shamalaı berýge bolady. Bılik tutqasyn ustaǵan laýazym ıeleri ony jumysbastylyqpen, kúndelikti sharýalardyń kópti­gi­men túsin­dirýge tyrysady. Aı­tý­ly merekege arnalǵan taqy­ryp­tyq jospar kesheýildegendikten, jaýap­ty adamdar ne isterlerin bilmeı dal bolyp júr­gen tárizdi. О́ıt­keni, qalalyq máde­nıet úıiniń ádiskeri Neıla Sınelnık usy­nys­taryn áli ja­zyp jatqanǵa uq­saıdy. Má­de­nı­et já­ne tilderdi damytý bóli­mi­niń bas mamany Ásel Daýyl­ba­e­va naqty atqary­latyn is-shara­lardyń qolǵa tımegenin aıtyp, zar qaǵady. Kún men túnniń teńesý merekesin qyzyqty da áserli ótki­zý­diń joldary jaıly petropavl­dyq­tar bylaı oı túıedi. Zeınolla qajy Oljabaev, aq­sa­qaldar alqasynyń múshesi: Me­niń bir qadap aıtarym, Naý­ryz kúni kıiz úılerdiń esigi aıqara ashyq turýy kerek. Ádet­tegideı qarapaıym adamdardy jolatpaý­ǵa, esigin tars jaýyp, jasyryp araq-sharap ishýge qa­tań tyıym salatyn mezgil jetti. Mástýra Aqylbekova, úı qyz­met­shisi: Shynyn aıtsam, Naý­­ryz­ǵa áli de basa mán bermeı kelemiz. Atalyp ótilgenine máz­biz. Ony da Jańa jyl sııaqty qy­zyqty ótkizýge bolar edi. Qan­sha­ma ulttyq oıyndarymyz tasada qalyp jatyr. Ulystyń uly kú­nin burynnan qalyptasqan salt boı­ynsha – jarapazanmen ashý son­sha­lyqty qıyn ba? Shyny kerek, bizge Qyzyljar óńiri áli kúnge deıin jańa jyldy atap ótip jat­qandaı. Jambyl kóshe­si­men jú­rip kele jatyp «Túrkes­tan» (ja­zylýy osy­­laı) meıram­ha­nasynyń mańdaı­sha­­syndaǵy «Ja­ńa jyly­ńyz­ben!», «S no­vym godom!» degen aıshyqty ja­zýlarǵa kózimiz túskende osy­laı aıtýǵa májbúr bop otyrmyz. О́mir ESQALI. Soltústik Qazaqstan oblysy.