Dmıtrıı Balandın Qazaqstannyń «Jyl sportshysy» atandy

Astanada 24 atalym boıynsha «Halyq súıiktisi» ulttyq syılyǵyn tabystaý rásimi ótti, dep xabarlaıdy QazAqparat. «Jyl ustazy» ataǵyn Vadım Motorın ıelense, «Jyl dárigeri» Jaqsylyq Dosqalıev atandy. Dmıtrıı Balandın «Jyl sportshysy» dep tanyldy. Al «Batyl júrek» syılyǵy Astana-Býrabaı tas jolynda bolǵan kólik apatynda japa shekkenderdi qutqarý kezinde qaza tapqan Qumarbek Jáketaıǵa berildi. Boksshy Vasılıı Levıt «Halyqtyń úzdik chempıony» retinde marapattaldy. «Altyn dáýir» atalymynda – Iýrıı Pomeransev, «Jyldyń úzdik qoǵamdyq qaıratkeri» – Saltanat Rahymbekova, «Jyl saıasattanýshysy» – Aıdos Sarym, Talǵat Kirbetov atyndaǵy syılyq - Sábı Baıbosynovke berildi. «Úzdik Fashion qaıratker» – Aıda Qaýmenova, «Jyl parlamentarııi» – Nurtaı Sabılıanov, «Jyl mesenaty» – Qajymqan Másimov, «Jyl bıznesi» – «Albastroıdor» JShS, «Kınoındýstrııa bedeldisi» – Ádil Axmetov, «Jyl estarada ártisi» – Meırambek Bespaev, «Jyldyń úzdik telejúrgizýshisi» – Gúmıra Daırabaeva, «Úzdik aqparattyq portal» – Matrica.kz, «Jetistik pen damý» atalymynda – Janarys Eńsepov, Dmıtrıı Petrýhın, “Úzdik blogsfera kóshbasshy» – Gaýxar О́telbaeva, «Jyl pýblısısi» – Talǵat Qalıev, «Jyl fermeri» – Baqdáýlet Maxashov, Jomart Omarov, «Jyl bıznesmeni» – Saıran Hamzın, «Elordanyń damýyna qosqan úlesi úshin» – Advart jarnama-óndiristik kompanııa. Syılyq ıegerleri xalyqtyń daýys berýi arqyly anyqtaldy. Resmı málimetter boıynsha, daýys berýge 300 myńnan astam qazaqstandyq qatysqan.