Jańa basshyny ujymǵa oblys ákiminiń birinshi orynbasary Arman О́teǵulov tanystyrdy. Baqytjan Narymbetov Oral qalasynda dúnıege kelgen, 30 jasta. Bilimi joǵary. 2007 jyly ál-Farabı atyndaǵy Qazaq ulttyq ýnıversıtetiniń fılosofııa jáne saıasattaný fakýltetin bitirgen.
2012 jyly Qazaqstan Respýblıkasy Prezıdenti janyndaǵy Memlekettik basqarý akademııasynyń memlekettik saıasattyń ulttyq mektebin támamdaǵan. Saıasattaný ǵylymdarynyń magıstri.
2007 jyldan Astana jáne Almaty qalalarynda úkimettik emes uıymdarda jetekshilik qyzmetter atqarǵan.
2013-2014 jyldary Oral qalasy ákimi apparatynyń bas ınspektory, aqparattyq-taldaý jumystary bóliminiń basshysy, 2014 jyldyń qarashasynan 2016 jyldyń sáýirine deıin Oral qalalyq ishki saıasat bóliminiń basshysy boldy. Keıin Batys Qazaqstan oblysy ákimi apparatynyń strategııalyq damý bóliminiń basshysy laýazymynda jumys istedi.
Sońǵy taǵaıyndaýǵa deıin Batys Qazaqstan oblysy ákimi apparaty basshysynyń orynbasary mindetin atqardy. Úılengen, bir uly bar.
