Qaısar jandar qasymyzda

Qyzylorda óńirinde 27 000 múmkindigi shekteýli jan bar. Sonyń 1 800-ge jýy­ǵy birinshi toptaǵy mú­gedek. Taǵdyrdyń jazýyna boı bermeı, árqaısysy dú­nıeniń tetigine kirpish bo­lyp qalanǵysy keledi. Se­be­bi, boıda qan tasyǵan soń, pen­de shirkin jasymaıdy eken. Osy oraıda, qolarbaǵa ta­ńylǵanyna qaramastan, ómir­ge degen qul­shynysyn arttyra bilgen Tamara As­qarqyzyn aıtpaı ketýge bol­mas. Ol «Talsýattaǵy» mú­ge­dek­terdi ońaltý orta­ly­ǵy­na qol­arbada otyryp qal­maı, aıaqqa turamyn degen nıetpen kelgen edi. Sol maqsatyna je­te bildi. Ońaltý orta­ly­ǵynda múmkindigi shek­teýli jandarǵa ómir aǵy­my­nan qalys qalmaı, ká­sibin ashýǵa múmkindik bar. Tamara Asqarqyzy da jeke jobasyn iske asyrýdy oılady. Ortalyq qyzmetkerleri «Damý» kásipkerlikti damytý qorynyń mamandarymen kezdesý uıymdastyryp, olardyń keńesin alyp, óz isin ashýǵa talpyndy. 12 adam qatysqan konkýrsta onyń «Qus jastyqtardy tazalap, qalpyna keltirý» jobasy úzdik dep tanylyp, 1 000 000 teńge qaıtarymsyz grantqa qol­ jetkizdi. Reseıden jab­dyq­tar alyp, qazirgi kún­de óńi­rimizde joq bıznes ashyp, Shıeli aýdanynda jumysyn dóńgeletip otyr. Sonymen qatar, orta­lyq qyz­metkerleriniń uıym­das­ty­rýymen Tamara As­qarqyzy «Shekteýsiz múm­kin­dik» atty shara ótkizip, qol­ǵa alǵan kásibi jaıyn­da keńinen áńgimelep berdi. О́z kásibin ashqysy kelgen aza­mattarǵa, jastarǵa jas­qan­baı, Úkimet tarapynan kór­se­tilip jat­qan qoldaýdy paıda­laný kerek ekenin túsindirdi. Is-shara konserttik baǵ­dar­lamaǵa ula­syp, Tamara Asqar­qy­zy­nyń oryn­daýyndaǵy «Ińkárim-aı», «Iаpyr-aı» ánderin jı­nal­ǵan qaýym uıyp tyńdap, bir mar­qaı­yp qaldy. Taǵdyrlas bolǵan soń bul kisiniń jetken jetistigin ja­­zýdy jón kórdim. Qata­ry­myzda qaısar jandar bar eke­nin bas­qalar da bilsin degen oı meni osy maqalany jazýǵa jeteledi. Záýre ÚKSINBAEVA, I toptaǵy múgedek Qyzylorda oblysy