Vetnam portyna qazaqstandyq astyq jóneltildi

Jaltyr temirjol stansysynan Vetnamnyń Hoshımın portyna «QTJ» UK» AQ konteınerlerine tıelgen qazaqstandyq astyq jóneltildi, dep habarlady QTJ-nyń baspasóz qyzmeti. Júk Lıanıýngan porty arqyly barady. Astyqtyń pılottyq jóneltilýin «KTZ Express» AQ kompanııasynyń enshiles kásiporny «Lıanıýngan qalasynyń qazaq-qytaı halyqaralyq logıstıkalyq kompanııasy» jaýapkershiligi shekteýli qoǵamdastyqpen (JShQ) birlese júzege asyrdy. «KTZ Express» AQ vıse-prezıdenti Erjan Kýlakov atap ótkendeı, astyq qapqa salynyp, konteınerlermen jiberilýde. Jóneltilýdiń mundaı ádisi vagondap jiberýmen salystyrǵanda Dostyq stansysynda konteınerlerdi tıeý boıynsha prosedýra ýaqytyn qysqartady. «Qazaqstan astyqty eksporttaý boıynsha álemde iri on eldiń qataryna kiredi. Jyl saıyn 8 mln tonnadan astam bıdaı eksporttalady, sondyqtan pılottyq jobanyń sátti júzege asýy astyqty jóneltý kólemin arttyrýǵa múmkindik beredi», - dep málimdedi E. Kýlakov. E. Kýlakov sondaı-aq, Lıanıýngan portyndaǵy logıstıkalyq termınaldyń birlesken jobasy Qazaqstannyń Qytaıdaǵy iri ınvestısııalyq jobasy bolyp tabylatynyn atap ótti.