Dinmuhammed (Dımash) Qudaıbergen Qanatuly 1994 jyly 24 mamyrda Aqtóbe qalasynda Qazaqstan Respýblıkasynyń mádenıet qaıratkerleri Qanat Qudaıbergenuly men Svetlana Aıtbaevanyń otbasynda dúnıege kelgen.
Dımashtyń ata-anasy tanymal ánshiler Qanat jáne Sveta Aıtbaevtar. Dımashtyń ákesi Qanat Aıtbaev - oblystyq fılarmonııanyń basshysy, anasy Svetlana Aıtbaeva – oblystyq maslıhat depýtaty. Dımashtyń ata-ájeleri de mýzykalyq adamdar. Biri dombyrada oınasa, ekinshisiniń án aıtýǵa beıimi bar. Dımashtyń Raýshan atty qaryndasy, Mansur atty inisi bar.
Eń alǵash ret spektaklde oınaýymen tanyla bastady. Bes jasynda mýzykalyq kolledj sahnasynda alǵash ánshi retinde án salǵan. Alty jasynda “Aınalaıyn” respýblıkalyq baıqaýynyń “Fortepıano” nomınasııasynda jeńimpaz atanǵan.
2010 jyly "Baıqonyrdyń Ásem daýystary" Halyqaralyq festıvaliniń I júlde laýreaty atandy. 2012 jyly “Jas qanat” Respýblıkalyq jas án oryndaýshylar baıqaýynyń Gran-prı júldesine ıe bolyp, osy jyly “Vostochnyı bazar” Halyqaralyq baıqaýynda I júlde laýreaty atandy. 2013 jyly Dımash Qudaıbergen “Meıkın Azııa” I Halyqaralyq festıvaliniń jeńimpazy boldy.
Sonymen qatar Dımash Vıtebsk qalasynda ótken XXIV Halyqaralyq estradalyq án oryndaýshylar «Slavıan bazary-2015» baıqaýynda Gran-prı jeńip alǵan. Eki kún ishinde jas ánshi 175 upaı jınaǵan. Birinshi kúni ol Konstantın Meladze kompozıtoriniń «Opıat metel» ánin, al ekinshi kúni Fransýz ánshisi Gregorı Lemarshal repertýarynan alynǵan «Sos dun terien un detresse» ánin oryndady.
2015 jyly 28 qazan kúni Ystanbulda Dımash Qudaıbergen “Abu TV” Halyqaralyq Azııa-Tynyq muhıt festıvalinda Qazaqstan Respýblıkasynyń atynan alǵash ret qatysty.
Dımash Qudaıbergen 5 jasynan bastap fortepıanoda oınaýdy úırengen. Balalar horynda án aıtqan. Ol 2014 jyly Dımash Ahmet Jubanov atyndaǵy mýzykalyq kolledjde akademııalyq án oryndaý synybyn támamdap, Qazaq Ulttyq óner ýnıversıtetiniń “estrada óneri” fakýltetine tústi.
Dımash serb, ıtalıan, fransýz, aǵylshyn, orys t.b tilderde án oryndaıdy.
Málimetter Ýıkıpedııadan alyndy
