Syrt kóz synshy

Reseı Syrtqy ister mınıstri Sergeı LAVROV: – Biz úshin Astanada uıymdastyrylyp jatqan bul shara belgili ber deńgeıde tıimdi bolady ári osyndaı prosess pikirsaıys klýbyn aınalyp ótýimizge múmkindik bermeıdi. Sonymen qatar, Sırııa úkimeti delegasııasy men qarýly oppozısııa ókilderiniń Astanadaǵy kezdesýi BUU-nyń Qaýipsizdik Keńesiniń naqtylanǵan baǵdarlamalyq jelisi boıynsha júzege asyrylýda. AQSh Memlekettik departamenti ókiliniń mindetin atqarýshy Mark TONER: – Amerıka Qurama Shtattary Sırııadaǵy daǵ­darystyń saıası sheshim tabýyn qoldaıdy. Sırııalyqtardyń jetekshiligindegi kelissóz prosesi beıbitshiliktiń ornap, Sırııanyń birigýinde eleýli ról atqaratyndyǵyna senimdimin. Fransııa Syrtqy ister mınıstri Jan-Mark ERO: – Astana prosesi Sırııa máselelerine qatysty saıası únqatysýdyń negizi bolady dep úmittenemin. Bul kezdesýde Sırııa úkimeti men oppozısııasy ókilderi saıası ótpeli kezeńdi qurýy kerek. Fransııa Sırııadaǵy daǵdarystyń dıplomatııalyq jolmen sheshilýin jaqtaıdy. Túrkııa Prezıdentiniń keńesshisi Iаlchyn TOPChY: – Sırııadaǵy jaǵdaıdy retteý jónindegi Astana kelissóziniń qatysýshylary eń aldymen qarýly qaqtyǵysty toqtatý máselesin talqylaýdy josparlaýda. Ol úshin eń aldymen taraptar Sırııa aımaǵyndaǵy qarýly qaqtyǵysty toqtatý kelisimin saqtaýy tıis. Bul rette jergilikti turǵyndarǵa óz máselelerin ózderi sheshe alatyndaı jaǵdaı týýyna múmkindikter bergen jón. Sebebi, olar qazir oq-dári salynǵan bóshkeniń ústinde turǵandaı. Sondyqtan da eger Túrkııa óz qaqpasyn ashyp jiberse, kem degende 3 mln bosqyn jaıly ómir izdep aýa kóshýi múmkin. Sol úshin beıbit kelisimdi júzege asyrý úshin halyqaralyq qoǵamdastyqtyń Astana prosesine qatysýy zor mańyzǵa ıe.