Erkebulan Seıdahmet: Granatkın týrnırin kelesi jyly jeńemiz dep úmittenemin

Granatkın Memorıaly-2017 týrnıriniń úzdik shabýylshysy Erkebulan Seıdahmet jarystan alǵan áseri, alǵa qoıǵan maqsaty, Qazaqstan premer-lıgasynda kimniń oıynyna elikteıtinin málimdedi. Bul týraly sports.kz habarlady. «Bizge úlken senim artyp, tileýimizdi tilegen jankúıerlerge alǵysymyz sheksiz. Bul týrnırden úlken tájirıbe jınap qaıttyq. Jibergen qatelikterimizdiń ornyn toltyryp, bul maqsatymyzǵa kelesi jyly jetemiz degen úmittemin. Jeńiske qarys qadam jetpeı qaldy. Biraq kúmis júldege jetý úshin de az ter tókpedik», – dedi ol. «Aqtyq synda qatty qobaljyǵan bolýymyz kerek birden óz oıynymyzdy kórsetip kete almadyq. Ekinshi taımda jınaqylyq tanytyp, qarqynymyzdy údettik. О́kinishke oraı, qansha qaýipti sátter jasaǵanymyzben bir ǵana qateliktiń ornyn toltyra almadyq», – dedi jas talant. О́tken jyldyń qazan aıynda Eýropa-2017 týrnıriniń irikteý kezeńinde Qazaqstan Grekııadan utylǵan. Alaıda, ol kezde ketken eseni bul joly qaıtara bildi. «Ol oıyndy umytpaspyn. Bapkerimiz ıspanııalyq bolatyn, al qazir ózimizdi jaqsy biletin jattyqtyrýshymyz bar. Aleksandr Kýznesov bilikti maman. Tórt kúnniń ishinde jeńimpaz komandany jasaqtap shyqty», – dedi Erkebulan. Týrnırdiń «Úzdik shabýylshysy» ataǵyn ıelengen ol: «Mundaı ataqty ıelengenime qýanyshtymyn. Biraq bul jalǵyz meniń emes búkil komandamnyń eńbegi», – dedi. Jas talant búginde jekemenshik komandalardyń birinde dop teýip júr. Halyqaralyq týrnırde úzdik atanǵan fýtbolshynyń premer-lıga klýbtarynyń birinde oınaǵysy kele me eken? «Qazir Tarazdyń «Montajnık» klýbynda júrmin. Buǵan deıin usynystardyń túskeni jóninde bilmeıdi ekenmin. О́zimniń Georgıı Palovıch esimdi jeke agentim bar. Bul máseleniń bári sol kisiniń moınynda. Tek qana Qazaqstan premer-lıgasynda ǵana emes Eýropanyń alpaýyt komandalarynda oınaǵym keledi. Fýtbolshylardan Baýyrjan Islamhanǵa qatty elikteımin. Ol sekildi elimniń maqtanyshy bolǵym keledi», – dedi Granatkın Memorıaly-2017 týrnıriniń úzdik shabýylshysy.