Astana prosesinen 389 sheteldik jýrnalıst habar taratady

Astana prosesinen 320 sheteldik jýrnalıst habar taratady. Bul týraly búgin QR Syrtqy ister mınıstriniń orynbasary Roman Vasılenko aıtty. «BAQ ókilderi kelissózder basynda ǵana foto jáne vıdeo túsirilimge jiberiledi. О́ıtkeni, onyń negizgi bóligi jabyq rejimde ótedi. О́zderińizben birge baıqap otyrǵanymyzdaı, qazirgi ýaqytta Astanadaǵy sırııaaralyq kelissózderge (Astana prosesi) halyqaralyq qoǵamdastyqtyń qyzyǵýshylyǵy óte joǵary. Jahandyq qaýipsizdik úshin sırııalyq daǵdarystyń ózektiligin eskersek, bul barynsha kútilgen jaıt», - dedi ol. Onyń aıtýynsha, Astana prosesinen habar taratý úshin tirkelgen sheteldik jáne qazaqstandyq buqaralyq aqparat quraldarynyń ókilderi óte kóp boldy. «Biz 320 sheteldik jáne 120 qazaqstandyq jýrnalısti tirkedik. Olar Aqparat jáne kommýnıkasııalar mınıstrligi «Qazmedıa» ǵımaratynda arnaıy uıymdastyrǵan baspasóz ortalyǵynda jumys isteıtin bolady. Dál sol jerde kezdesýdiń ashylý rásimi tikeleı kórsetiledi», - dedi Vasılenko. Kelissózder bastalǵan kezde «Búgingi kelissózderdiń birqatar modaldylyǵy boıynsha baspasóz máslıhatyn ótkizdim jáne mańyzdy túzetý jasaý qajet. Men málim etkendeı, akkredıttelgen sheteldik BAQ sany 320 emes - 389. Sheteldik BAQ  sany boıynsha bul meniń esimde qalǵan EQYU sammıtinen keıingi ekinshi kórsetkish», - dedi ol. Sonymen qatar ol kezdesýge qatysýshylar qorytyndy baspasóz máslıhatyn ótkizetin bolsa, ol da «Qazmedıa» ortalyǵynda uıymdastyrylatynyn aıtty.