Úkimettegi taǵaıyndaýlar Úkimet pen Parlament quzyretine ótýi múmkin - Elbasy

Nursultan Nazarbaev memlekettik bıliktiń tarmaqtary arasynda ókilettikterdi qaıta bólý máseleleri boıynsha jumys tobymen kezdesti, - dep habarlaıdy Aqordanyń baspasóz qyzmeti. "Búgin biz memlekettik bıliktiń tarmaqtary arasynda ókilettikterdi qaıta bólý máselelerin talqylaý úshin kezdesip otyrmyz. Men bul týraly jurt aldynda sóılegen sózderimde, úndeýlerimde aıtyp júrmin. Men usynǵan bes ınstıtýsıonaldyq refomanyń besinshisi Úkimetke ekonomıka salasynda qosymsha atqarý fýnksııalaryn berýdi qarastyrady. Al Prezıdenttiń quzyretinde qorǵanys, syrtqy saıasat, memlekettik basqarý, Konstıtýsııany qorǵaý, memlekettik bılik arasyndaǵy jumystyń tıimdiligin qamtamasyz etý qalady. Biraq biz bastapqyda Prezıdentke kóp ókilettik berdik. Kóp zańdarda osylaı bolǵan, ıaǵnı, 45 ókilettik. Sodan ol taǵy 30 ókilettikke tolyqty. Endi ókilettikke qatysty sheshim qabyldaý úshin ony úkimet pen Parlamentke jiberýge bolady", - dedi Nazarbaev. Memleket basshysy áýelde Qazaqstan Prezıdentiniń quzyretine berilgen ókilettikterdiń sanyn azaıtý máselesine toqtaldy. "Mysaly, baǵdarlamalardy bekitý, Úkimettegi kadrlyq taǵaıyndaýlar, basqarýdyń jańa organdaryn qurý sııaqty ókilettikter Úkimet pen Parlamenttiń quzyretine ótýi múmkin", - dedi Nursultan Nazarbaev. Sondaı-aq, Qazaqstan Prezıdenti memlekettik basqarý júıesinde Parlamenttiń rólin arttyrý qajettigin de aıtty.   Bizdiń jaǵdaıda Úkimetti jeńgen partııa nemese fraksııa qurady. Osylaısha, Parlamenttiń Úkimetke qatysty róli kóp másele boıynsha qaıta qarastyrylýy kerek dedi, Elbasy.