Balabaqsha tizimi – baqylaýda

Qazirgi tańda mektepke deıingi mekemelerdegi oryndardyń bólinýine turǵyndar tarapynan azdaǵan senimsizdik týyndaýda. Quqyq qorǵaý jáne baqylaý organdarynyń júrgizip otyrǵan qatań qadaǵalaýyna qaramastan, halyqtyń basym bóligi balabaqshaǵa bala qabyldaý kezeginiń ne sebepti alǵa jyljymaı jatqandyǵyn túsinbeıdi. Osy máselege baılanysty Qaraǵandy oblysynda balabaqshaǵa elektrondy kezekke turý jobasy ázirlenip jatyr.  Qaraǵandy oblysy bilim berý basqarmasynyń basshysy Ashat Aımaǵambetov aıtyp ótkendeı, qazirgi tańda 1 jastan 6 jasqa deıingi bala­lardyń 87,6 paıyzy jáne 3 pen 6 jas aralyǵyndaǵy búldir­shinderdiń 98 paıyzy mektepke deıingi bilim berý júıesimen qamtylǵan. Joba aıasynda endi HQO arqyly mektepke deıingi mekemelerge balalardy avtomatty túrde kezekke turǵyzyp qana qoımaı, balabaqshalardaǵy oryndardyń bólinýi de júzege asyrylady dep josparlanýda. Bul atalǵan qyzmetterge adamdardyń tike­leı baılanysyna shekteý qoıady. Aımaq turǵyndary tolyq aqparat alýy úshin belgili bir mektepke deıingi mekemedegi top quramynyń tolyqtyrylýy, bosaǵan oryndar týraly máli­metter, kezektilik pen reıtıng jaǵ­daıy onlaın rejimde kór­setiletin bolady. Kezektilik jaǵdaıy jaıly toqsan saıynǵy SMS-habar­lama joldaýdy da qaras­tyryp otyr. Sonymen qatar, SMS-habarlama mektepke deıingi uıymdarǵa esepke turý jáne odan oryn alý kezinde de jibe­ri­letin bolady. Qaraǵandy oblysynda balabaqshaǵa elektrondy kezekke turý jobasyn osy jyl­dyń aıaǵyna deıin bilim berý bólimderiniń saıtynda jarııalaý josparlanǵan. Mıras ASAN, «Egemen Qazaqstan» QARAǴANDY