Abylaı alańyn jaryqsyz qaldyrdy...

Aqshanyń býy qundylyqtar baǵamynan asyp túsip jatatynyna kúıinesiń. Munyń san-alýan mysalyn kórip te júrmiz. Etimiz úırenip ketkendeı. «Apyr-aı» deımiz de qoıamyz. Qoǵamdyq yqpal, pikirdiń ornyn quqyq qorǵaý organdary qashanǵy toltyrar eken. Soǵan qaramastan, jas talǵamaıtyn qylmys jasqanar emes. Kúres aıaýsyz júrip jatyr. Bir jaqty. Sondyqtan, bul shyn mánindegi jeńis emes. Qoǵamnyń úni qulaqqa jete bermeıtininen qylmystyń sıpaty da túrlenip barady. Endi halyq tarıhy tunyp turǵan Býrabaıdaǵy Abylaı han alańyna aýyz salýshylar tabylyp otyr. Bul alańnyń rýhanı ómirimizdegi mańyzyn, urpaq tárbıesindegi ornyn aıtyp jatýdyń ózi artyq. Bul – el Táýelsizdigin áspetteýdegi eren eskertkishtiń biri jáne biregeıi. Kórkem óńir­diń tórindegi alań­­nyń qun­dy­lyqtaryn ashyp kórsetýdiń tanymdyq ǵajaıyptary kóńil ósirýde. О́zimizdi bylaı qoıyp, álemniń bar qıyrynan kelip jatatyn qonaqtar men týrısterge jasalyp jatqan qolaılylyq maqtanysh se­zimine bóleıdi. Munda­ǵy ájim tastar men máńgi jas qara­ǵaılardan taýsylmas syr tógiledi. Munda qııanatqa jol joq. Qııanat jasaldy. О́tken juma­nyń sońy. Alańdy samaladaı jaryqqa bólep turǵan baǵa­na­lar­daǵy dıodty shamdar urlanǵan. Shy­ǵyn­nyń quny 900 000 teńgege baǵa­lanýda. Qylmysker aıhaı deıtin 25 jas­ta. Jalǵyz bolmaýy da múm­kin. Olardy aýyr jaza kútip tur. Má­sele, munda da emes. Abylaı han ala­­ńynyń shamy eshqashan sónbeıdi. Baqbergen AMALBEK, «Egemen Qazaqstan» Aqmola oblysy, Býrabaı aýdany