Golovkınniń boks keshine taǵy bir jekpe-jek qosyldy

Orta salmaqta WBA (Super), IBO, WBC jáne IBF nusqalary boıynsha álem chempıony Gennadıı Golovkın (36-0, 33 KO) men WBA tujyrymy boıynsha turaqty álem chempıony Denıel Djeıkobs (32-1, 29 KO) arasyndaǵy boks keshiniń anderkatyna taǵy bir jekpe-jek qosyldy, dep habarlady vesti.kz. Boks keshinde WBC tujyrymy boıynsha jeńil salmaqta meksıkalyq Karlos Kýadras (35-1-1, 27 KO) otandasy Davıd Karmonmen (20-3-5, 8 KO) kezdesedi. Qos boksshy ekinshi jeńil salmaqta judyryqtasady. Osyǵan deıin 18 naýryzda ótetin boks keshinde 29 jastaǵy nıkaragýalyq Roman Gonsales (46-0, 38 KO) pen ýkraınalyq Aleksandr Ýsıktiń (11-0, 10 KO) jáne Olımpıada chempıony, ırlandııalyq 30 jastaǵy Ketı Teılordyń (2-0, 1 KO) kezdesý ótkizetini aıtylǵan bolatyn. Aıta keteıik, Golovkın men Djeıkobs arasyndaǵy jekpe-jek 18 naýryzda Nıý-Iorktegi Madison Square Garden arenasynda ótedi. Elimizde boks keshin «Qazaqstan» jáne KazSport arnalary kórsetedi.