Jańa meteorologııalyq GOES-16 jer serigi ǵalamsharymyzdy fotoǵa túsirdi. Bul týraly life.ru habarlady.
Muhıtty jáne atmosferany zertteý basqarmasy (NOAA) atalmysh jer seriginiń orbıtadan túsirgen alǵashqy fotolaryn jarııalady. Ol árbir 15 mınýt saıyn joǵary sapaly sýretter túsirýge qabiletti. Osynyń arqasynda ǵalymdar men meteorologtar aýa raıyn baqylap, tabıǵat apatyn dál boljaı alady.
GOES-16 ótken jyldyń 19 qarashasynda AQSh-tyń Florıda shtatyndaǵy Kanaveral ǵarysh aılaǵynda iske qosylyp, eki aı boıy arnaıy synaq júrgizildi. Endi bir jyl boıy synaqtan ótkizilgen soń ary qaraı múmkindigine baılanysty jańa orbıtaǵa aýystyrylady.
Onyń sýretteri osy serııadaǵy ózge de jer serikterinen tórt ese joǵary, sondaı-aq bes ese jyldam jumys isteıdi. Qazir sptýnık jerden 36 000 shaqyrym bıiktikte turǵandyqtan ǵalasharymyzdy tolyqtaı fotoǵa túsire alady. Al Halyqaralyq ǵarysh stansasy 400 km bıiktikte ornalasqan.
