Nazarbaev: Reforma elimizge uzaq jyldarǵa saıası turaqtylyq beredi

Búgin arnaıy úndeý jasaǵan Elbasy bılik tarmaqtaryn qaıta bólýdiń qandaı mindetterdi sheshe alatynyn atap berdi. "Jumys toby jumysyn ary qaraı jalǵastyrady. Osy máseleniń barlyǵyn jan-jaqty qarastyryp, aldaǵy qoǵamdyq talqylaýǵa birqatar usynystar daıyndaýy tıis. Usynylǵan baǵdarlama úsh máseleni sheshýdi qarastyrady. Birinshiden, aldaǵy kóptegen jyldar boıyna saıası turaqtylyqty qamtamasyz etý. Ekinshiden, Úkimet pen Parlamenttiń rólin kúsheıtý zamanaýı qaterlerge jaýap berýdiń tıimdi mehanızmin jasaıdy. Bul basqarý júıesiniń kúrdelileý ekeni belgili, alaıda qoǵamnyń da qıyndap bara jatqanyn esten shyǵarmaǵanymyz jón. Men prezıdenttiń quzyryna tıesili birqatar ókilettikti berýge óz erkimmen baryp otyrmyn. Jalǵyz maqsatty – qazirgiden de tıimdi, turaqty, zamanaýı basqarý júıesin qurýdy maqsat etkendikten osyndaı qadamǵa bardym. Úshinshiden, álemde memlekettik basqarýdiń eshqandaı da ámbebap úlgisi joq. Bári de izdený ústinde", dedi Elbasy.