Elbasynyń jańa baǵyty

Búkilálemdik qoǵamdastyqtyń nazary taǵy da bizdiń elimizge aýdy. Qazaqstan jańa 2017 jyldy Birikken Ulttar Uıymy Qaýipsiz­dik Keńesiniń múshesi retinde bastady. Bul Elbasymyz­dyń Eýrazııadaı alyp qurlyq­tyń basty beıbitshil tulǵasy retin­degi bıik bedeliniń halyqar­a­lyq deńgeıde baǵalanýynyń naq­ty kórinisi retinde qabyldandy. Qazaqstan basshysynyń tikeleı aralasýymen ótken jyly búkil álemdi alańdatqan Irannyń ıadro­lyq problemasy oıdaǵy­daı sheshildi. Elbasymyz Ýkraına­daǵy qantógisti toqtatýǵa da óziniń úlken úlesin qosty. Reseı men Túrkııa prezıdentteri N.Á.Nazarbaevtyń osy eki eldiń ýshy­ǵyp bara jat­qan qarym-qaty­nasyn qalpyna keltirýdegi ara­aǵaıyndyǵy úshin asa zor alǵystaryn bildirdi. Keshe Elbasymyz óziniń tarıhı Úndeýimen taǵy da búkil álemniń nazaryn Qazaqstanǵa aýdardy. Elimizde Prezıdentimizdiń 2005 jylǵy «Qazaqstan ekonomıkalyq, áleýmettik jáne saıası jedel jańarý jolynda» atty Joldaýynan keıin memleketti reformalaýdyń kezeń-kezeńge negizdelgen jańa úderisi bastaldy. Memleket basshysynyń búgingi Úndeýin qazaq qoǵamyn jańartyp, jańǵyrtýdyń zańdy jalǵasy dep bilemin. Elbasymyz osy Úndeýi arqyly Qazaqstan Respýblıkasynyń tarıhyndaǵy jańa kezeńdi bastap berdi. Nursultan Ábishuly táýelsiz memleketimizdiń irgetasyn óz qolymen qalap qana qoımaı, ony osy jyldar ishinde oryn alǵan birneshe búkilálemdik daǵdarystardan aman alyp shyǵyp, álem tanyǵan abyroıly memleketke aınaldyrdy. Biz táýelsizdiktiń shırek ǵasyry ishinde eshbir ásireleýsiz ǵasyrlarǵa bergisiz damý men ósip-órkendeýdiń jolynan óttik. Táýelsizdik alǵan kezde kom­mýnıstik júıeden enshimizge bar bolǵany mesheý sharýashylyq, qaraýsyz qalǵan zaýyttar, qańy­raǵan aýyldar, jabylǵan dúken­der, jappaı jumyssyzdyq jáne turalaǵan ekonomıka tıdi. Al búginde búkil álem Qazaq­standy ekonomıkalyq damýdyń dańǵyl jolyna túsip, áleýmet­tik turaqtylyqty tý etken qýatty mem­leket retinde tanıdy. Eń bas­tysy, Qazaqstan shırek ǵasyrda beı­bitshilik pen kelisim saltanat qurǵan kóp ultty halyqtyń altyn besigine aınaldy. Sonyń arqasynda elimizdiń álemdik arenadaǵy abyroı-bedeli artyp, res­pýblıkamyzǵa mıllıardtaǵan ınvestısııalar tartylýda. Birikken Ulttar Uıymynyń Qaýipsizdik Keńesine múshe bolýymyz ben Astananyń EKSPO-2017 kórmesin ótkizý mártebesin jeńip alýy da sonyń aıqyn dáleli. Prezıdent elimizdegi eń bas­ty máselelerdi sheshýmen qatar, memlekettik basqarýdyń zamanaýı, turaqty, utymdy úlgisin qalyptastyrý saıasatyn da qarqyndy júrgizdi. Sonyń nátıjesinde Qazaqstanda kásibı Úkimet, qýatty Parlament jáne táýelsiz sot bıligi qalyptasty. Olar qazirdiń ózinde senimdiligi men tıimdiligin dáleldep úlgergen memlekettik apparattyń «tejemelik jáne teńgermelik» júıesiniń negizin quraıdy. Sondyqtan Elba­symyz atap ótkendeı, memle­kettik bılik tarmaqtary arasynda ókilettilikterdi qaıta bólý máse­lesi el damýynyń zańdy jáne júıe­li kezeńi bolyp tabylady. Bul batyl qadam Parlament pen Úkimettiń ókilettilikterin arttyryp qana qoımaı, olarǵa qabyldaǵan sheshimderine sáıkes jaýapkershilik júkteıtinin de erekshe atap ótken jón. Soǵan qara­mastan, Qazaqstanda halyqtyń birligi men turaqtylyǵyna, mem­lekettik bılik tarmaqtarynyń ret­tiligi men úılesimdi jumysyna, azamattar quqyǵynyń saqtalýyna, memlekettik shekaramyzdyń berik­tigi men elimizdiń qorǵanys qabi­letiniń konstıtýsııalyq qorǵalýyna kepildik beretin kúshti prezıdenttik bılik saqtalady. Qashanda urpaq qamyn oılaıtyn Memleket basshysy­nyń Konstıtýsııa kepili retinde qabyl­daǵan jańa tarıhı sheshimi qazaq qoǵamyndaǵy saıası turaqtylyq pen ekonomıkalyq qarqyndy damý­dyń naqty dáleli dep bilemin. Bul – elimizdiń Prezıdent aıqyn­da­ǵan «Qazaqstan-2050» baǵdarlama­lyq qujatynda belgilengen stra­tegııalyq maqsattarǵa adal­dyqtyń aıqyn kórinisi. Men Elbasynyń jańa baǵytyn: kúshti prezıdenttik bılik – kásibı Úkimet – jaýapty Parlament – táýelsiz sot júıesi – ashyq qoǵam dep qarapaıym túrde túsindirer edim. Osynyń bárin Qazaqstan men onyń álem tanyǵan Elbasynyń ózine jáne bolashaqqa nyq seniminiń kórinisi dep baǵalaǵan jón. Muhtar QUL-MUHAMED, «Nur Otan» partııasy Tóraǵasynyń birinshi orynbasary ------------------------------------------------------------------------ Ámına ÚRPEKOVA, Prezıdent janyndaǵy Qazaqstan strategııalyq zertteýler ınstıtýtynyń ǵylymı qyzmetkeri: – Birinshi kezekte atap óter jaıt, búgin biz asa mańyzdy tarıhı oqıǵaǵa kýá boldyq. Elimizdi damýdyń dańǵyl jolyna bastaýda Elbasymyzdyń bul Úndeýi óte mańyzdy dep sanaımyn. Prezıdenttiń tarapynan aıtylǵan Úndeýdiń ekonomıkalyq jáne saıa­sı turǵydan óte joǵary mánge ıe ekendigin atap ótkim keledi. Bul halqymyzdy baıandy bolashaqqa jeteleıtin qadam bolyp tabylady.   Erlan SAIROV, saıası ǵylymdar kandıdaty: – Biz Memleket bas­shysynyń halyqqa ar­naǵan Úndeýin muqııat tyń­dap shyqtyq. Bul búgin­gideı jańaryp, jahan­dan­ǵan álemge qatys­ty jańa kózqarasty bil­dired­i. Biz shy­naıy saıası refor­malar­dyń qar­sańyn­da tur­myz. Muny Úkimet pen Par­la­menttiń rólin kúsheıtý baǵytynda jasalǵan naqty qadam dep bilemiz.   Berik ÁBDIǴALIULY, Qazaqstan saıası ǵylymdar qaýymdastyǵynyń basqarma múshesi: – Qazir ózgerip jatqan álemde Qazaqstan da zaman talabyna saı jańa­ryp keledi. Ásirese, asqan náziktikti qajet etetin memlekettik basqarý júıesi meılinshe teńestirilgen júıege aýysý máselesin Elbasymyz óte oryndy ári der kezinde kóterip otyr. Bul – osy zamanǵy, qazirgi kún­niń shynaıy kelbetine saı jasalǵan qadam. Sonymen qatar, mundaı sheshim Qazaqstan halqynyń aldyndaǵy jaýapkershilikti kúsheıte otyryp, Úkimettiń el aldyndaǵy áleýmettik-ekonomıkalyq salalarǵa degen jaýapkershiligin arttyrady. Al Parlament keń aýqymdy júıede baqylaý men qadaǵalaý quzyretine ıelik etkeni jón.   Baýyrjan TО́LEGENOV, «Saıasat» ınternet-basylymynyń shef-redaktory: – Prezıdentimizdiń málim etken bul málim­demesi álemdik aýqymda meı­linshe beıimdeýge ba­ǵyttalǵan. Munda quzy­rettilikti tıisti deńgeıde bólý arqyly saıası turǵy­da jaǵdaıdy ekshep, bas­qarý tetigin retteý kózdele­di. Qalaı degende de, bul jańashyldyq bizdiń eli­mizdegi memlekettik basqarý isin jetildire túsetini sózsiz.     Bolat BAIQADAMOV, Eýrazııalyq sarapshylar jelisiniń teń tóraǵasy: – Prezıdenttiń búgin­gi halyq aldynda jasa­ǵan málimdemesi qoǵam­nyń, memlekettiń al­dynda turǵan kóptegen máse­le­lerge tolyqqandy jaýap berdi. Másele, birin­shi kezekte, bılik tarmaq­tary­nyń, atqarýshy bılik, ókiletti bılik jáne prezıdenttik bılik arasynda shynaıy tepe-teńdikti ornatý týraly bolyp otyr.     Nursultan AHMEDIIа, «PARASAT» júıeli zertteýler ınstıtýtynyń dırektory: – Memleket bas­shysynyń búgingi má­limdemesi erekshe oqı­ǵa bolyp tabylady. Onda aıtylǵan kons­tı­tý­sııalyq reformalar bizdiń memleketimiz ben qoǵamymyz úshin qa­ǵı­datty mańyzǵa ıe. Sony­men qatar, ony elimizdiń damýynyń jańa sapaly kezeńge aıaq basqanynyń dáleli dep sanaımyn.