Elbasy Alaý estafetasyna aq jol tiledi

Keshe Astanadaǵy «Nazarbaev Ýnıversıtette» Elbasy Nursultan Nazarbaev HHVIII Búkilálemdik qysqy Ýnıversıadanyń Alaý estafetasyna aq jol tiledi. Dúnıe júzi  kóz tikken sport alamanynyń Alaýy Qazaq eli Prezıdentiniń qatysýymen tutandy. Munyń aldynda Memleket basshysy shańǵyshy Dáýlet Rahymbaevqa Qazaqstan Týyn saltanatty túrde tabys etti. – Almatyda 29 qańtardan bas­tap ótetin HHVIII Búkilálemdik Ýnıversıadanyń Alaýyn tuta­typ otyrmyz. Kúlli álem úshin már­tebeli jarysty bizdiń elimiz­de ótkizý quqyna ıe bolýymyz – Táýelsizdik jyldaryndaǵy jetis­tikterimizdiń biri. Mundaı álem­dik aýqymdaǵy jarysty Qa­zaqstan buǵan deıin ót­ki­zip kórgen joq. Ony ótkizý­ge kez kelgen memlekettiń áleýe­ti jetpeıdi. Osyndaı jaǵdaı­da tańdaý Qazaqstanǵa tústi. Biz­diń bul jarystarǵa laıyqty ázir­lenip, abyroımen ótkize­tini­­mizge men senimdimin. Qazir tu­tan­ǵan bul Alaý elimizdiń bar­lyq óńirlerin aralap, jer-jer­degi jankúıerler sportshy­larymyzǵa dem beredi, úlken jeńis­­terge rýhtandyrady, – dedi Pre­zıdent. Ýnıversıadada Qazaqstan­nyń namysyn barlyǵy 168 sport­shy qorǵaıdy. Elbasy olar­­dyń árqaısysyna sátti óner kórse­tip, jeńis tuǵyrynan kóri­nýleri­ne tilektestigin bildir­di. – Sizderge búkil Qazaq­stan jan­kúıer bolady, – dedi Nursultan Ábishuly. – Osy Ýnı­­ver­­sıadany ótkizip otyrǵany­myzdyń ózi jastardy sportqa tartýǵa mol septigin tıgizedi. Osy maqsatta salynǵan sport ny­sandarynyń qyzyǵyn bolashaq sportshylar kóredi. Elimiz­di álemge tanytaıyq! Bir kez­de Vladımır Smırnov pen Lıýd­mıla Prokashevalar salǵan jol­dy sizder jalǵaı bilińiz­der! Aralaryńyzdan shyǵyp, álemge tanylǵandaryńyzdy búkil elimiz maqtan tutady! Bar­shańyzǵa zor densaýlyq, úlken jeńister tileımin! Estafeta Alaýyn birinshi bolyp alyp júrý qurmetine shaı­baly hokkeıden Qazaqstan ulttyq quramasynyń qorǵaý­shysy, «Barys» hokkeı klýby­nyń oıynshysy Madııar Ybyraıym­bekov ıe boldy. Saltanatty shara­nyń sońyna deıin Alaýdy bar­lyǵy 60 sportshy elordanyń or­ta­lyq kóshelerimen úsh ja­rym saǵat boıy eki kezeńmen alyp júgirdi. Alǵashqy kezeń «Nazarbaev Ýnı­versıtet» pen «Báı­te­rek» monýmentiniń ara­lyǵyn qam­tysa, ekinshi kezeń osy moný­mentten bastalyp, oń jaǵa­laý­daǵy qalalyq ákimdikke deıin jalǵasty. Estafetanyń jal­py uzaqtyǵy – 12 shaqyrym. Alaý­gerler qatarynan bokstan Rıo Olımpıadasynyń kúmis júl­degeri Vasılıı Levıt, gir kóte­rýden sport sheberi Álibek Naý­ryz­baıuly, djıý-djıtsýdan álem chempıony Móldir Me­ken­­­baeva tárizdi kóptegen sań­laq­tardy kórdik. Astanadaǵy aq tútek boran­ǵa qaramastan, Alaý alyp júgi­rý­shiler mejeli jerge bel­gi­le­n­gen ýaqytta jetti. Alaý mere­kesi elo­rda tórindegi «Báıterek» mo­ný­­mentiniń aldynda uıym­das­tyrylǵan aýqymdy konserttik baǵ­darlamaǵa ulas­ty. Dál osy jer­de Alaý esta­fe­tasyn dańq­ty boksshy, Rıo-2016 Olımpıa­dasy­nyń chempıony Danııar Eleýsinov qabyldap alyp, Astana ákimdigi or­nalasqan ǵıma­ratqa deıingi jol­­dy júgirip ótti. Ákimdik al­dyn­da jıylǵan qaýym­dy qala ákimi Áset Ise­keshev te ar­naıy qut­tyqtady. Osydan keıin qysqy Ýnı­­ver­sıada alaýy res­pýb­lıka­lyq shtab ókilderine tabys etildi. Eki kezeńmen jalǵasqan esta­feta sońynda Alaý arnaıy ushaq­pen Ýnı­versıada astanasy Alma­tyǵa baǵyt aldy. Ol HHVIII Búkilálemdik qysqy Ýnıver­sıadanyń 29 qańtar kúni bolatyn saltanatty ashylý rásiminde elimizdiń basqa óńirlerinen de jetkiziletin estafeta alaý­larymen birge dúnıejúzilik doda­nyń negizgi Alaýyn tutatady. Jalpy, búginnen, ıaǵnı 26 qańtardan bastap, elimizdegi barlyq oblys ortalyqtarynda qysqy Ýnıversıadanyń Alaý estafetalary ótkiziledi. Qaırat ÁBILDINOV, «Egemen Qazaqstan» ASTANA