Kásipkerdiń saýaty bazarda ashylady

Ońtústikte bir kezderi oblys­tyq sottyń tóraǵasy bolyp Tilektes Bárpibaev degen azamat jumys istedi. Ashýy aldynda bolǵanymen, arty keń, rý­hanııatqa jaqyn azamat jýr­nalıstermen baspasóz más­lıhatyn ótkizip turady. Son­daı emen-jarqyn júzdesýdiń birinde ózge óńirden kelgen sot tóraǵasynan: «Sizdi Shymkentte óz salańyzda qandaı jaǵdaılar tańǵaldyrady?» dep suraǵanbyz. «Shymkenttiń azamattary óte ashyq, kishipeıil. Biraq, óz quqyq­taryn bile turyp bilgisi kelmeıtin sııaqty kórinedi. Qan­daı da bir jaǵdaımen sotqa shaqyrylsa, syıaqy berip ketkisi kelip turady. О́zine eshqandaı jaza kórilmeıtindigin de esker­meıdi», degen. Rasy sol. Baıaǵy patshalyq kezeńdegi sottyń ezgisi ótip ketken be, bári bolmasa da sot aldyna barǵan azamattardyń kóbi eshqandaı qylmysqa tartylýǵa negiz joqtyǵyn baıyptap jatpaı, «sháı ishińiz» dep qaltasyna qolyn salyp, sol jerden aýlaq­taǵansha jany shyǵyp kete jazdaıdy. Sýdıa alsa qýanady, almasa sotqa tartylardaı unjyr­ǵasy túsip ketedi. Bul burynǵy jaǵdaı degeni­mizben, Qylmystyq kodekstiń baptaryn tereńdetip oqyp, para­ǵyn sapyryp otyratyndar áli de az. Ony ózimiz de jumys bary­synan baıqaımyz. Tilshi­ler qosynyna da bolmaıtyn nárseden qaradaı úrkip, arasha surap telefon shalyp jatady. Zerdelep kórseń, túk te emes, jazaǵa tartylatyndaı negiz joq. Kásipkerlik salasynda da solaı. Ár aýdanda keńes beretin, bıznes-joba usynatyn Kásipkerlik mektepteri jumys jasap tursa da, «anaý anandaı dep aıttyǵa» kóbirek senetinder áli de baıqalady. Sondyqtan, oblystaǵy Kásipkerler palatasy «óziń kel» dep otyra bermeıtin jańa jobany iske qosty. Palata mamandary bazardaǵy satýshylar men shaǵyn kásipkerlerge suraǵan suraqtaryna jaýap beredi. Ol úshin qaladaǵy iri saýda oryndary – «Samal» jáne «Aına» bazarlarynan keńes beretin kabınetter ashyldy. Bul kabınetterde zańgerler jáne esepshiler, salyqtyq zań­nama qyzmetkerleri azamattar qyzyqtyrǵan saýaldarǵa jaýap beredi. Bul – májbúrlikten týyndaǵan joba. О́ıtkeni, shaǵyn kásip ıeleri salyq tóleý, óz jumystarynyń esep-qısabyn jasaýda túrli qıyndyqtarǵa dýshar bolyp jatady. Jańa qabyldanǵan qujattardyń normalaryn bilmegendikten, joq jerden ákimshilik jazaǵa tartylyp jatatyndary jáne bar. Kásipkerler palatasy osynyń bárin oı eleginen ótkizip, respýb­lıka boıynsha eń alǵashqy jobany iske asyrýǵa kirisip ketti. Bolashaqta bul bastamany keden salasynyń qyzmetkerleri toltyrady. Oblys prokýratýrasyn­da ótken bir jıynǵa qatysqa­nymyzda, jańadan ashylǵan fırmalardyń aı aınalmaı jatyp tez jabylatyndyǵy týraly dabyl kóterilgen edi. Endi bıznes ókilderi sát saıyn aldarynan shyǵa beretin kedergilerden qutylady. Al kásipker saýatynyń ashylǵany óz sharýashylyǵyn ońtaıly júrgizýine múmkindik beredi. Baqtııar TAIJAN, «Egemen Qazaqstan» Ońtústik Qazaqstan oblysy