2016 jyldyń tórtinshi maýsymyndaǵy tutynýshylyq suranystyń joǵarylyǵy Brıtanııa ekonomıkasynyń ósimine qarqyn qosty, dep jazady BBC.
Eldiń ulttyq statıstıkalyq basqarmasynyń málimetinshe, qazan-jeltoqsan aralyǵynda ekonomıkalyq ósim 0,6 paıyz ósti (ósim 0,5 paıyz bolady dep boljanǵan). Onyń aldyńǵy eki maýsymda da kórsetkish osy deńgneıde bolǵan edi.
Bul óz kezeginde eldiń Eýroodaqtan shyǵýymen ekonomıkaǵa zııan kelmeıtinin kórsetse kerek.
Jalpy, 2016 jylǵy ekonomıkalyq ósim 2 paıyzdy qurady. Al 2015 jyly bul kórsetkish 2,2 paıyzdy quraǵan.
Ekonomıkalyq ósimdi qamtamasyz etken salalar retinde mamandar aldymen satý, qonaqúı qyzmetteri men meıramhana bıznesin ataıdy.
Sonymen qatar kóterme saýda aınalymy men týrıstik agenttikter qyzmeti de ósim kórsetken.
Al qurylys salasy men aýyl sharýashylyǵy sektory tıisinshe 0,1 jáne 0,4 paıyz ósken. Al ónerkásiptik óndiris ózgerissiz qaldy.
