Bıyl «Jastar parlamenti» jobasy iske qosylady

Bıyl «Nur Otan» partııasynyń qoldaýymen «Jastar parlamenti» úkimettik emes uıymy iske qosylady. Biregeı bastama jalyndy jastardyń jumys pen qamtylýyn negizge alyp, olardyń saıası mádenıetin qalyptastyrýǵa baǵyttalady, dep jazady 24.kz Búgin «Nur Otan» partııasynda bas qosqan Májilis depýtattary men blogerler, jastar uıymdarynyń kóshbasshylary osy másele jóninde túıitkilderdiń túıinin tarqatýǵa tyrysty. Sharapaty mol sharaǵa jınalǵandar jastardy jumyspen qamtýdyń negizgi tetikterine de basymdyq berdi. Resmı málimetterge súıensek, búginde Respýblıka boıynsha 18-29 jas aralyǵyndaǵy jumyssyzdar sany 4,9 paıyzdy quraıdy eken. Endigi meje jastar saıasatyn júıeli júzege asyryp, olardy «Nurly jer» syndy memlekettik baǵdarlamalarǵa meılinshe tartý deıdi otyrysqa qatysýshylar. «Elimizde Qazaqstan Respýblıkasy Májilisi janynan Jastar parlamenti qurylyp jatyr. Negizgi basymdylyǵy, árıne, elimizdegi zań shyǵarýshy, ıaǵnı zań qabyldaý barysyna meılinshe tartý. Iаǵnı tikeleı minberden sóıleýge joba arqyly kómek berýdi qamtyp otyrmyz. Negizgi basymdylyǵy – Parlamenttiń jumysyn ashyq qylý, onyń ishinde jastardy tarta otyra eksperttik top qurý», - deıdi «Jastar parlamentiniń» úılestirýshisi Damır Júnisov.