Mártebeli marapat

Shoqan Ýálıhanov atyndaǵy Kókshetaý memlekettik ýnıversıteti taǵy bir qýanysh ústinde. Elimizdegi bedeldi bilim ordasy «Prezıdent jáne ýaqyt» respýblıkalyq qoǵamdyq-saıası gazetiniń «Ýaqyt Tańdaýy – Vybor Vremenı» agenttigimen birlesken jobasy aıasynda «Jyldyń úzdik joǵary oqý orny» baıqaýynyń jeńimpazy atandy. Bul shara Qazaqstan Táýelsizdiginiń 25 jyldyq merekesine oraılastyryp uıymdastyrylǵan bolatyn. Osyǵan baılanysty Kókshetaýda marapattaý saltanaty ótkizildi.  Mártebeli marapatty gazettiń bas redaktory, pedagogıkalyq ǵylymdar akademııasynyń akademıgi Marat Toqashbaev ýnıversıtet rektory Ábdimútálip Ábjapparovqa tabys etti. Aq­mola oblysy ákiminiń orynbasary Nurlan Nurkenov ýnı­versıtettiń oqytýshylyq-pro­fessorlyq quramyn, stýdent­terdi quttyqtap, bilim nary­ǵyndaǵy jańa jetistikterge jetýine tilektestigin bildirdi. Soltústik óńirdegi beldi ýnıversıtet alǵashqylar qatarynda úsh deńgeıli oqytý júıesin engizip, ıgi izdenisterimen kózge túsýde. Oqý orny álemdegi 50 ozyq ǵylymı ortalyqtarmen áriptestik baılanys ornatqan. 2009-2016 jyldar aralyǵynda «Tempýs IV» 6 jobasyn jáne joǵary bilim áleýetin arttyrýǵa baǵyttalǵan «Erazmýs plıýs KAZ» 4 jobasyn utyp aldy. Zamanaýı zerthana da tabysty jumys isteýde. Ýnıversıtet oqytýshylary – 300-den astam patenttiń avtory. «Bolashaq» baǵdarlamasy boıynsha 15 túlek AQSh pen Ulybrıtanııanyń tańdaýly oqý oryndarynyń magıstratýrasynda, 30 stýdent akademııalyq mobıldik júıemen sheteldik jáne qazaqstandyq joǵary oqý oryndarynda bilim alýda. Baqbergen AMALBEK, «Egemen Qazaqstan» Aqmola oblysy