Saýda úzdigi – Semeıde

Semeılikterdi mine, qata­rynan úsh jyl boıy 905 qurylys aýdanyndaǵy «Eljan» saýda dúkeni erekshe qýantyp keledi. Bul jerde kúndelikti turmystyq qajettilikke daıy­n dúnıeler satylýmen qatar, aýyl sharýashylyǵynyń da ónim­deri halyqqa tıimdi baǵada usynylǵan. Tipti, osy jerde «Barlyǵy da rahmet úshin!» dep atalatyn saýda núktesi bar. Turǵyndar bul jerden alǵys aıtyp, jaǵdaıy joqtary tegin kıim-keshekter alýda. Áleýmettik joba az qamtylǵan otbasylar men kóp balaly otbasylarǵa arnalyp otyr. Bárin aıt ta, birin aıt, «Eljan» saýda úıiniń dırektory Erlan Jaqypqa búginde el rıza. Onyń dúkenindegi elý kásipker tutynýshylarmen deldaldarsyz tikeleı jumys isteıdi. Tipti, saýdalanatyn ónimdi saq­­taýǵa, ıaǵnı sapa jaǵyna da erek­she mán berilip otyr. Et já­ne sút, kartop-kókónis ónim­deri úshin úsh tonnalyq muz­dat­qysh kamera jumys isteıdi. Osylaısha, qarapaıym halyq­tyń kóńilinen shyǵa bilgen kásip­ker Erlan Jaqypov Ulttyq ekonomıka mınıstrligi jáne Saý­da-ónerkásip palatasynyń uıym­dastyrýymen ótken «Saýda úz­digi» konkýrsynda jeńiske jetti. – Kásipkerlikti qoldap otyr­ǵan Úkimetke, memleketimizge rahmet, – dedi Erlan Jaqyp. – Saýda úıi ári qaraı da aıasyn keńeıtip, jańa jobalardy qolǵa almaqpyz. Osynyń bári el ıgiligi úshin. Bul jerde tigin sehy, bılıard oıyn alańy bar. Aýyldan qalaǵa kelýshilerge barlyq jaǵ­daı jasalǵan. Janynda – ashana men shashtaraz. Osylardyń barlyǵyn eskere kele, «Úzdik saý­da úıi» no­mınasııasynda birinshi oryndy uıymdastyrýshylar bizge berdi. Bizdiń ujymynyń eńbegi joǵary baǵalandy. Raýshan NUǴMANBEKOVA, jýrnalıst  SEMEI