Sheteldikter qazaq mádenıetimen tanysady

Almatyda ótip jatqan  XXVIII qysqy Ýnıversıada  sport saıystaryna arnalǵan dúbirli doda ǵana emes,  qazaqtyń ulttyq dástúrin, mádenıetin sheteldikterge jan-jaqty  tanystyratyn úlken múmkindik. Álemniń túkpir-túkpirinen kelgen týrıster  dombyranyń  qońyr únine qulaq túrip,  kúı qudiretine qol soǵatyn bolady. Sheteldik qonaqtarǵa  ulttyq ónerdi, tól má­de­nıeti­mizdi nasıhattaý maqsatynda Jambyl atyndaǵy Qazaq memlekettik fılarmonııasy birqatar má­denı is-sharalardy uıymdastyrýdy josparlap otyr. Iаǵnı 31 qańtar kúni Qazaqstan Respýb­lı­kasy Memlekettik úr­meli aspaptar orkestriniń «Ýnıver­sıada-2017» –  Shyńǵa bas­taıtyn jol!» atty kon­serti ótedi. Kórkemdik jetekshisi jáne bas dırıjeri Qazaqstannyń eńbek sińirgen qaıratkeri Qanat Ahmetov, dırıjeri – Qazaqstannyń eńbek sińirgen qaıratkeri Aleksandr Belıakov. Al 3 aqpan kúni kórkemdik jetekshisi jáne bas dırıjeri – Qazaqstannyń eńbek sińirgen qaıratkeri B.Demeýov bolyp tabylatyn B.Baıqadamov atyndaǵy Memlekettik hor kapellasynyń «Ýnıversıada-2017 ánurandary» atty konserti ótedi. Osylaısha, sheteldikter  ásem Almatynyń kórikti jerlerin  aralap, qazaq halqynyń qonaqjaılylyǵyna kýá bolyp, ulttyq ónerdiń  ulylyǵyna tánti bolady degen senimdemiz. «Egemen-aqparat»