2016 jyly jedel járdemniń eń kóp shaqyrylymy OQO-da tirkelgen

2016 jyly Qazaqstannyń jedel járdem qyzmeti 7,8 mıllıonnan asa shaqylym jasaǵan. О́ńirler arasynda eń kóp shaqyrylym sany Ońtústik Qazaqstan oblysynda tirkelgen, - dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti. "2016 jyly Qazaqstannyń jedel medısınalyq kómek qyzmetinde (budan ári - JMK) 7 mıllıon 835 myń 624 shaqyrtý júzege asyryldy. О́ńirler arasynda eń kóp shaqyrylym sany - Ońtústik Qazaqstan (1 mıllıon 168 myń), Almaty (1 mıllıon 22 myń) oblystary men Almaty qalasynda (859 myń 244), sonymen qatar, Shyǵys Qazaqstan oblysynda (716 myń 289) tirkelgen. Al jedel medısınalyq kómek qyzmetine az júgingen turǵyndar - Soltústik Qazaqstan oblysyndaǵylar (858 myń shaqyrylym)", - delingen habarlamada. Baspasóz qyzmetindegilerdiń málimetinshe, shaqyrylymǵa sebep bolatyn jaǵdaılardyń basym kópshiligi tynys alý organdary men júrek-qantamyrlar júıesiniń aýrýlary, jaraqattar men ýlanýlar, nevrologııalyq jáne juqpaly aýrýlarmen baılanysty bolyp otyr. Sonymen qatar, 2016 jyly nátıjesiz (jalǵan) shaqyrylymdar sany respýblıka boıynsha 183 myń 387 boldy. Sondaı-aq, vedomstvonyń málimetinshe, búginde JMK qyzmetinde 20 myńnan asa adam qyzmet etedi. Respýblıka boıynsha 24 derbes stansııalar jáne 62 kishi stansııalar jumys isteıdi, bir táýlikke 1300 brıgada jáne avtokólik birlikteri jumyldyrylǵan.