Elorda ákimdiginiń saıtynda jańa fýnksııa iske qosyldy. Endi qala turǵyndarynyń saýalnamaǵa qatysyp, túrli máseleler boıynsha óz pikirlerin bildirýge múmkindikteri bar. Saıt paıdalanýshylarynyń nazaryna ómirdiń túrli salalaryn qamtıtyn saýalnamalar usynylatyn bolady, dep habarlady Astana qalasy ákimdiginiń baspasóz qyzmeti.
Pikir bildirý úshin «Sizdiń pikir (saýalnamalar)» qosymshasyna, sodan keıin «Saýalnamany bastaý» pernesin basý qajet. Suraqtarǵa jaýap bergen soń jeke aqparaty bar tordy toltyrý qajet bolady, onda qatysýshy jasyn, jynysyn, baılanys telefonyn jáne e-mail meken-jaıyn kórsetýge tıis.
Saýalnama myna siltemeler boıynsha júrgiziledi:
Ekologııa jáne kógaldandyrý máseleleri boıynsha
PIK máseleleri boıynsha
Áleýmettik saýalnamalardyń qorytyndysy Astana ákimdiginiń resmı saıtynda jarııalanatyn bolady.
