"Ulttyq aqparattyq tehnologııalar" AQ basqarma tóraǵasy mindetin atqarýshy taǵaıyndaldy

Álnur Ermaǵambetov "Ulttyq aqparattyq tehnologııalar" AQ basqarma tóraǵasynyń mindetin atqarýshy bolyp taǵaıyndaldy, - dep habarlaıdy vedomstvonyń baspasóz qyzmeti. Dırektorlar keńesiniń 2017 jylǵy 27-aqpanyndaǵy №177 sheshimine sáıkes aǵymdaǵy jyldyń 30 qańtarynan bastap "Ulttyq aqparattyq tehnologııalar" AQ basqarma tóraǵasynyń mindetin atqarýshy laýazymy Álnur Ermaǵambetovke júkteldi. Búginge deıin Álnur Ermaǵambetov "Astana Innovations" AQ basqarma tóraǵasy bolyp kelgen. Ermaǵambetov Álnur Melsuly 1978 jyldyń 10 aqpanynda Almaty qalasynda dúnıege kelgen. Ál-Farabı atyndaǵy Qazaq Ulttyq Ýnıversıtetiniń bıologııa fakýltetin támamdaǵan, 2009 jylyMaastrıht Menedjment Mektebi jáne Halyqaralyq Bıznes Akademııasynyń "Jalpy strategııalyq basqarý" mamandyǵy boıynsha birikken kýrsyn bitirgen. 2008-2015 jyldar aralyǵynda "Hıýlett-Pakkard (K)" JShS-de qyzmet atqardy. 2016 jyly HP Global Trading B.V. kompanııasynyń Qazaqstandaǵy fılıalyna jetekshilik etti.