The Fight City: Júkembaevtyń joıqyn soqqylaryna shydaý múmkin emes

Kanadalyq jýrnalıster qazaqstandyq boksshy Batyr Júkembaev (8-0, 7 KO) jaıly jyly lebizderin bildirdi. Bul týraly sports.kz habarlady. «Batyr Júkembaev kórsetken boks eriksiz tań qaldyrady. Jyldam ári joıqyn soqqylary qarsylasyn birinshi raýndtyń sońyna da shydatpady», – dep jazdy RDS.ca tilshisi Jan-Lıýk Lejandr óziniń týıtterinde. «Bul nokaýt! Júkembaevtyń oń qolymen baǵyttaǵan hýk soqqysy. Mundaı soqqyǵa shydaý da ońaı emes. Batyr ara qashyqtyqty saqtaı otyryp, josparyn tolyqtaı júzege asyra bildi», – dep jazdy The Fight City saıty týıtterinde. «Bul Batyr Júkembaevtyń birinshi raýndta nokaýtpen utqan aıqyn jeńisi. Davıd Ranhelge oń qolymen aýyr soqqy jasady», – dep jazdy kanadalyq jýrnalıst Frederık Gýaı. Aıta keteıik, Kanadanyń Kvebek qalasynda ótken Stıven Batler jáne Brendon Kýktyń anderkartynda qazaqstandyq boksshy meksıkalyq Davıd Ranhelmen judyryqtasty. Aıqastyń 2-mınýtynda ol qarsylasyn nokaýtpen jeńdi.