«Qaırat» Horvatııa fýtbolshysymen tolyqty

«Qaırat» fýtbol klýby horvatııalyq jartylaı qorǵaýshy Ivo Ilıchevıchpen tolyqty, dep habarlaıdy vesti.kz. 30 jastaǵy fýtbolshymen aradaǵy kelisimshart merzimi 2+1 úlgisi boıynsha jasaldy. Horvatııalyq oıynshy sońǵy maýsymdy Reseıdiń «Anjı» komandasynda ótkizgen. Reseı birinshiliginiń alǵashqy aınalymynda 14 kezdesýge qatysyp, 2 goldyń jáne 1 nátıjeli pastyń avtory atanǵan. Ivo Ilıchevıch Germanııada týyp-óskenimen 2010-2013 jyldar aralyǵynda Horvatııa ulttyq quramasynyń namysyn qorǵady. 2012 jyly ótken Eýropa chempıonatyna jaraqat alǵanyna baılanysty qatysa almaǵan. Aıta keteıik, «Qaırattyń» jańa oıynshysy Reseı chempıonatyna aýyspaı turyp, nemistiń «Gambýrg», «Bohým», «Groıter Fıýrt», «Kaızerslaýtern» jáne «Darmshtatd» komandalarynda dop tepken. Jalpy alǵanda Býndeslıgada 134 márte alańǵa shyǵyp, 18 ret gol soqqan.