Qor naryǵyna «Samuryq-Qazyna» qory kompanııalarynyń aksııalary ornalastyrylady

Qazaqstan Prezıdenti búgin jarııalanǵan Joldaýynda qor naryǵyn odan ári damytý máselesine aıryqsha toqtalǵan. «Jekeshelendirý onyń damýyna serpin berýge tıis. Men joǵaryda aıtyp ótkendeı, qor naryǵyna «Samuryq-Qazyna» qory kompanııalarynyń aksııalaryn ornalastyrý kerek. Halyqtyń jınaǵan óz qarajatyn eń aldymen túrli baǵaly qaǵazdarǵa ınvestısııalaý múmkindigin odan ári arttyrý qajet», - dedi Nursultan Nazarbaev. Memleket basshysy 2016 jyldyń sońynda zańdastyrý naýqany aıaqtalǵanyn, oǵan elimizdiń 140 myńnan astam azamaty qatysqanyn atap ótti. Nátıjesinde 5,7 trıllıon teńge, onyń ishinde qarajat túrinde 4,1 trıllıon teńge zańdastyryldy. «Úkimettiń mindeti - bul qarajattyń ekonomıkaǵa, sonyń ishinde jekeshelendirýge qatysý arqyly paıda berýin qamtamasyz etý. Sonymen birge, Qazaqstannyń jekemenshik kásiporyndarynyń oblıgasııa shyǵarylymdaryn sýbsıdııalaý máselesin pysyqtaý qajet. Úkimetke Ulttyq bankpen birlesip, otandyq qor naryǵyn jandandyrýǵa baǵyttalǵan sharalar qabyldaýdy tapsyramyn», - dedi Elbasy.