AQSh Bas prokýrorynyń mindetin atqarýshy Sallı Ieıts jumystan bosatyldy. Onyń ornyna Vırdjınııa shtatynyń shyǵys okrýgy prokýrory Dana Bente taǵaıyndaldy, dep jazady BBC Aq úıdiń baspasóz hatshysy Shon Spaıserdiń Týıtterdegi paraqshasyna silteme jasap.
Sallı Ieıts 31 qańtar kúni ádilet mınıstrliginiń Donald Tramp qaýlysyn qoldamaıtynyn aıtqan edi. Onyń aıtýynsha, Tramptyń kóshi-qon saıasaty zań sheńberinen shyǵyp ketken bolýy da múmkin.
Aq úıden kelgen málimdemede "Sallı Ieıtstiń AQSh azamattaryn qorǵaý maqsatynda zań júzinde qabyldanǵan qaýlyny oryndaýdan bas tartyp, ádilet mınıstrligin satyp ketti", - dep jazylǵan.
Esterińizge sala keteıik, Tramp atalǵan qaýlyny 27 qańtarda qabyldaǵan. Qujatqa saı, sırııalyqtardyń AQSh-qa kirýine ýaqytsha tyıym salynǵan. Al ózge alty musylman elderiniń azamattary 90 kúnge deıin qurama shtattarǵa kire almaq emes.
