Volkswagen aqaýlarǵa baılanysty 600 myń kólikti keri qaıtarady

Volkswagen konserni birqatar kemshilikter úshin AQSh naryǵynan 600 myńǵa jýyq Audi kóligin keri shaqyrdy. Bul týraly life.ru habarlady. National Highway Traffic Safety Administration agenttiginiń aqpary boıynsha Audi A5 (2013-2016), A5 Cabriolet (2013–2016), Q5 (2013–2016), Allroad (2013–2016), A4 (2013–2016) jáne A6 (2012–2015) úlgisindegi 342 myńnan astam kólik janyp ketýi múmkin degen qaýip bar. Suıyqtyqty salqyndatatyn sorǵyshy salqyndatý júıesiniń saldarynan qoqysqa tolyp qalýy múmkin. О́z kezeginde bul mashınanyń órtenip ketýine ákeledi. Sonymen qatar, Audi Q5 (2011–2015) modelindegi kólikter qaýipsizdik jastyǵyna baılanysty keri qaıtarylady. Málimetterge sáıkes, onyń gaz generatorynda aqaý bary anyqtalǵan. Qaýipsizdik jastyǵynyń júıesi iske qosylǵan sátte kólik ishindegi adamdardy jaraqattaýy múmkin degen qater bar.