Jaqııanovtyń jekpe-jegi úzdik aıqastardyń qataryna endi

Qazaqstandyq boksshy Janat Jaqııanov (26-1-0, 18 KO) pen amerıkalyq Roýshı Ýorren (14-1-0, 4 KO) arasyndaǵy jekpe-jek aqpan aıyndaǵy úzdik aıqastyrdyń qataryna endi. Bul týraly vesti.kz habarlady. «33 jastaǵy qazaqstandyq Janat Jaqııanov mansabynda alǵash ret tolyqqandy álem chempıony ataǵy úshin synǵa túspek. Aldyńǵy jyly WBA nusqasy boıynsha ýaqytsha belbeý alǵan ol osy ýaqytqa deıin sharshy alańǵa shyqqan emes. Mine, endi Janat jeńil salmaqta WBA-diń naǵyz chempıony amerıkalyq Roýshı Ýorrenmen aıqasatyn bolady. О́tken jyldyń maýsym aıynda bul belbeýge ıe bolǵan Ýorren alǵash ret qorǵamaq. Sonymen qatar, amerıkalyqtyń enshisindegi ekinshi dárejeli IBO federasııasynyń chempıondyǵy da sarapqa salynady. Býkmekerlerdiń pikiri boıynsha, bul jekpe-jekte Roýshı favorıt bolyp esepteledi», – dep jazdy championat.com. Aıta keteıik, qos boksshynyń arasyndaǵy kezdesý AQSh-tyń Ogaıo shtatyndaǵy Tolıdo qalasynda ótedi.