Álemdik úkimet sammıtine qatysýda

Aqparat jáne kommýnıkasııalar mınıstri Dáýren Abaev Birikken Arab Ámirlikterinde 12 aqpanda bastalyp, búgin aıaqtalatyn Álemdik úkimet sammıtine qatysýda. Sammıt búkil álemde bolashaq úkimetti qalyptastyrýǵa arnalǵan jahandyq tuǵyrnama bolyp tabylady. 130 úkimet jáne halyq­aralyq uıym ókilderi Dýbaıda mem­le­kettik mekemelerdiń jumysyn tal­­qylaýda. Sammıt jyl sa­ıyn adamzat aldynda turǵan san alýan problemalardy she­shý úshin ınnovasııalar men teh­nologııa­lardy qalaı paı­dala­ný kerek ekenine basa nazar aý­dara otyryp, úkimettiń kelesi urpa­ǵyna ózekti mindetter qoıýda. The World Government Summit-tiń ótkizilýi sheńberinde Dáýren Abaev Dubai Media City qyzmetimen tanysty. Dubai Media City 2000 jyly negizi qalanǵan. Medıaortalyq Dubai Holding quramyna ki­redi jáne medıaındýstrııamen, ınternet-qoldaýmen, jańa­lyq­tardy súıemeldeýmen, fılm­der men rolıkterdi shyǵa­rýmen aınalysady. Son­daı-aq, medıaortalyq baspa ónim­derimen jáne baspamen aına­ly­sady, túsirilim toptary úshin kóptegen pavılondary da bar. Medıaortalyq álemniń 24 mem­leketindegi 1300-den astam medıa kompanııalardyń qyzmetin úılestirýshi klaster bolyp tabylady. Aqparat jáne kommýnıka­sııa­lar mınıstri BAQ jáne tele- kınoındýstrııa salasyndaǵy osyndaı tájirıbe Qazaqstanda da medıa kompanııalardyń ózara is-qımyl jasaýy bóliginde paıdaly bolýy múmkin ekenin atap ótti. Sonymen qatar, mınıstr «WAM» aqparattyq agenttiginiń atqarýshy dırektory Mohamed Jálel ál-Raısımen kezdesti. Bul kezdesý barysynda «Qaz­­­aqparat» halyqaralyq aqpa­rattyq agenttiginiń bas dırek­­tory Ásel Tólegenova men «WAM» aqparattyq agenttiginiń atqa­­rýshy dırektory ál-Raısı yn­tymaqtastyq týraly memo­ran­dýmǵa qol qoıdy. Qujat kási­bı birlestikter men ha­lyq­aralyq uıymdarǵa múshe­lik sheńberinde elder ara­syn­da tájirıbemen, jańalyq materıal­darmen, aqparat­tyq qyzmet­termen almasýdy, yn­ty­maq­tastyqty jáne úılesti­rýdi boljaıdy. Qujat jýrnalıster almasý boıynsha taǵylymdamasyn da kózdeıdi. «Biz Qazaqstan Respýb­lıka­symen burynnan beri tyǵyz qarym-qatynastamyz, bul ke­lisim eki el arasyndaǵy aqpa­rattyq sala bóligindegi ózara is-qımyldy kúsheıtedi, jańa­lyqtarmen almasýdy jeńil­detedi, bir birimiz týraly toly­ǵyraq aqparat berile­di dep úmit­tenemiz. Biz birles­ken yntymaq­tastyqta úlken múm­kindikti jáne bolashaqty kóremiz. Son­daı-aq, biz osy baǵytta jumysty bas­taı otyryp, ózimizdiń múm­kindikterimizdi keńeıte alamyz dep oılaımyn», dedi Mohamed Jálel ál-Raısı. «Biz arab eline shaqyr­ǵan­daryńyz úshin alǵysymyzdy bil­diremiz. Bul eki el ara­syn­daǵy ózara is-qımyldy jal­ǵas­tyrýǵa kómektesedi. Biz BAÁ-men yntymaqtasýǵa qyzyǵýshylyq tanytyp otyrmyz. Eki eldiń kóshbasshylary eki memleket arasyndaǵy ózara is-qımyl jemisti bolýy úshin barlyǵyn jasaýda. Budan basqa, yntymaqtastyq sheńberinde 2017 jylǵy 10 maýsym men 10 qyrkúıek aralyǵynda Qazaq­stannyń elordasynda ótetin aldaǵy EKSPO-2017 halyqaralyq kórmesin tolyq jarııa­laýǵa nıettimiz. Tabysty ynty­maq­tastyqqa úmittenemiz», dedi Aqparat jáne kommýnıkasııalar mınıstri Dáýren Abaev. «WAM» aqparattyq agenttigi 1976 jyly qurylǵan jáne bú­ginde BAÁ-degi eń tanymal aq­pa­rattyq tuǵyrnama bolyp tabylady. «Egemen-aqparat»