Ekonomıkany ilgeriletýdiń draıveri

Qazaqstan Prezıdenti Nursultan Nazarbaevtyń halyqqa arnaǵan kezekti Joldaýy jarııa­landy. О́ziniń Joldaýynda Elbasy ekono­mıkalyq ósimniń jańa modelin qurý­dyń qajettiligin aıtty. Ony «Úshinshi jań­ǵyrý» dep atady. Bul ózgeristerde sybaılas jemqorlyqpen jáne ekstremızmmen kúres, sondaı-aq, kásipkerlikke qoldaý kórsetý já­ne memlekettiń ekonomıkadaǵy rólin bá­seń­detý sekildi basymdyqtarǵa aıryqsha nazar aýdarylǵan. Úshinshi jańǵyrý kezeńi Qazaqstannyń ornyqty túrde damýyna baǵyttalǵan áleý­mettik-ekonomıkalyq jáne saıası jańa­rýdyń logıkalyq turǵydan alǵandaǵy, jal­ǵasy ispetti. Onyń aıasynda memlekettiń eko­no­mıkalyq ósiminiń jańa draıverleri bolyp, aýyl sharýashylyǵy, kólik jáne logıstıka, qurylys salalary sanalmaq. Jańa draıverler ekonomıkanyń ilgerileýi men el turǵyndarynyń jumyspen qamtylýy úshin kúshti serpin berýi tıis. Sonymen qatar, Prezıdent adam res­ýrstary men adamı kapıtalǵa aıryqsha kóńil bóldi. Joldaýda azamattar úshin mańyzdy máseleler – bilim, densaýlyq saq­taý, áleýmettik qamsyzdandyrý, turǵyn úı­ge qatysty túıtkilder atap ótildi, naqty máli­­metter kórsetildi. Al bul – memlekettiń ózi­niń áleýmettik mindettemelerin oryn­daýǵa daıyn ekendigin bildiretin mańyzdy kór­setkish. Jalpy alǵanda, Úshinshi jańǵyrý kezeńi memlekettiń jańa tehnologııalyq ózgeriske jáne ekonomıkanyń sapaly túrde damýyna birtindep bolsyn qadam basýyna yqpal etpek. Bul Qazaqstannyń aımaqta jáne álemde ekonomıkasy myqty elge aınalýyna jol ashpaq. Bizder, Reseıde turyp jatqan qazaqtar Qazaqstan Respýblıkasynyń strategııalyq turǵyda damýyna basa kóńil bólip kelemiz. Osy oraıda, Prezıdent Nursultan Nazarbaevqa barlyq alǵa qoıǵan maqsat-mindet­terdi júzege asyrý jolynda sáttilik pen ta­bys tileımiz, al respýblıka beıbitshilik aýanynda ósip-órkendeı bersin! Edýard YSQAQOV, Qazaq mádenıetin damytý qory basqarmasynyń tóraǵasy Astrahan qalasy, Reseı Federasııasy