Ozyq tehnologııa – biliktilik bastaýy

Jaqynda Astana qalasyndaǵy Nazarbaev zııatkerlik mektebinde Prezıdent Nursultan Nazarbaevtyń halyqqa arnaǵan Joldaýy talqylandy. «Bul – árbir adamǵa ar­nal­ǵan strategııalyq qujat. Son­dyqtan, ár adam ózine «Men Joldaýdy júzege asyrý úshin ne istedim?» degen suraq qoıýy kerek. Bıylǵy Jol­daýdyń ereksheligi – bar­lyq basymdyqtardyń zamanaýı bilim berý deńgeıimen anyq­ta­latynynda, sondyqtan, siz ben biz buǵan tikeleı qaty­samyz. Prezıdentimiz bizge úlken senim artty. Qazir elimizde 20 Nazarbaev mek­tebi bar. Al jalpy respýblı­kamyzda 7000-nan asa mektep qyz­met etýde. Biz olardyń bar­lyǵyna bilim berý júıe­sindegi reformalardy túsin­dirýimiz kerek. Týra jáne aýys­paly maǵynada da aıt­saq, eski oqýlyqtarmen oqy­tý jetkiliksiz ekenin uǵyn­dyrýymyz qajet. Qa­zaq­­stan sıfrly rejimge aýysyp jatyr, úshtildilik – zaman talaby, eńbek naryǵynda úlken ózgerister oryn aldy. Bilim­­niń kózi tek mektep emes, elimizdiń alǵa basýy IT sala­­synyń damýymen anyq­ta­lýda, munyń barlyǵy HHI ǵa­­syr­dyń aqıqaty, dep atap ótti Nazarbaev zııat­­ker­lik mek­tepteriniń basqarma tóraıymy Kúlásh Shámshı­dınova. Elbasy Joldaýyn eli­miz­diń barlyq qalalaryndaǵy Nazarbaev zııatkerlik mek­tep­teri talqylap, otandyq bi­lim berý júıesin jańǵyr­týǵa qatysty naqty usy­nys­tar ortaǵa salynýda. In­formatıka páni muǵalimderi «Sıfr­lyq Qazaqstan» memle­kettik baǵdar­lamasyn qoldaı otyryp, ony júzege asyrý jolynda ju­mys jasaýda. Raýan QAIDAR, «Egemen Qazaqstan»