Úndeýdiń mán-mańyzy talqylandy

Elordadaǵy Beıbitshilik jáne kelisim mýzeıinde «Qazaqstan Respýblıkasynyń Konstıtýsııasyna ózgerister men tolyqtyrýlar engizý týraly» zań jobasyn talqylaýǵa arnalǵan dóńgelek ústel ótti. Sharaǵa belgili ǵalymdar, memleket jáne qoǵam qaıratkerleri, mýzeı qyzmetkerleri qatysty.   Beıbitshilik jáne kelisim mýzeıi dırektorynyń orynbasary Amanbek Muqashev atap ótkendeı, Konstıtýsııa men tıisti zańdarǵa ózgerister engizý elimiz úshin asa mańyzdy da taǵdyrly másele ekeni anyq. – Memlekettik basqarý júıesin­de Parlament pen Úkimettiń pármeni artýy óte mańyzdy. Táýelsizdiktiń shırek ǵasyrynda biz naryqtyq ekonomıkaǵa kóshtik, ony ornyqtyr­dyq. Astana syndy elimizdiń bas qala­syn salyp, dúnıe júzine tanyldyq. Álemniń aldyńǵy qatar­ly elý eliniń qata­ryna qosyl­dyq. Osy tabystardyń ne­gi­zin­de elimiz­de demokratııalyq qu­ry­­lym­dar­dy tereńdete damytatyn ýa­­qyt jetti. Prezıdenttiń qolyndaǵy bı­lik­­tiń bir bóligin Parlament pen Úki­­me­t­ke berý týraly usynys barsha hal­yq­­ty tolǵandyrady, – dedi A.Muqashev. Sharada aıtylǵandaı, prezı­denttik bılik zaman talaptaryna laıyqty jaýap berdi. Ishki tártip­ti berik ustaý­ǵa, ótpeli kezeńde qo­ǵamnyń damýyn jınaqy túrde júr­gizýge yq­pal etti. Endigi ýaqytta Pre­zıdent ókilet­ti­gi­niń birqatar bóligin basqa da bılik tar­maq­taryna júkteý olardyń jaýapker­shili­gin arttyrý úshin qajet bolyp otyr. Dóńgelek ústel barysyna jıyl­ǵandar Elbasy Úndeýinde aıtylǵan mańyzdy mindetter boıynsha ózara pikir almasyp, oı qorytty, sondaı-aq, bılik tarmaqtary arasynda bılikti qaıta bólý jónindegi Elbasy bastamasyn qoldaıtyndyqtaryn bildirdi. Arnur ASQAR, «Egemen Qazaqstan»