OPEK pen AQSh munaı baǵasyn eki jaqqa tartyp tur

OPEK-tiń aı saıynǵy esebinde aıtylǵan qańtardaǵy óndiris kóleminiń josparly kórsetkishke qysqarǵany týraly jańalyqqa qaramastan, munaı baǵasy tómendep ketti, dep jazady investing basylymy. Búgin Astana ýaqytymen tańǵy saǵat 09:00-de Brent markaly munaı 55,83 dollarǵa baǵalandy. Qazirgi tańda OPEK elderi óndiris kóleminiń azaıtylýy ótken jeltoqsandaǵy kórsetkishpen salystyrǵanda táýligine 890 myń barrelge azaıyp, qazirgi tańda 32,14 mln barreldi qurady. OPEK uıymynyń málimetinshe, óndiristi eń kóp azaıtqan elder Saýd Arabııasy, Irak pen BAÁ. Esterińizge sala keteıik, uıym qańtar aıynan bastap jyl ortasyna deıin munaı óndirisin táýligine 1,16 mln barrelge azaıtýǵa kirisken. Halyqaralyq energetıkalyq agenttik ótken aptada qańtar aıyndaǵy óndiristiń azaıtylýy josparly kórsetkishtiń 90 paıyzyna jetkenin habarlaǵan. Esesine AQSh-taǵy munaı óndirisi artyp keledi. Baker Hughes málimetinshe, qazirgi tańda AQSh-ta jumys istep turǵ,an burǵylaý qurylǵylarynyń sany 2015 jyldyń qarashasynan bergi rekordtyq kórsetkishke jetken.