2016 jyly Beıneý aýdanynda 14 kóshege tas jol tóseldi

Mańǵystaý oblysynyń Beıneý aýdanynda 2016 jyly jalpy aýdany 67,2 metr ýchaskede 585 jekemenshik turǵyn úı salyndy, dep habarlady aýdan ákimi Basshy Ázirhanov halyqqa esep berý kezdesýinde. Bul týraly strategy2050.kz jazdy. «Jyl ishinde jalpy alańy 67,2 myń sharshy metr bolatyn 585 jekemenshik turǵyn úı salyndy. О́tken jyly Beıneýde tórt páterli 5 kommýnaldyq turǵyn úı paıdalanýǵa berilse, 1963 jyly salynǵan apatty jaǵdaıdaǵy úıler tolyqtaı joıyldy. Onda turyp jatqan 12 otbasy túgeldeı turǵyn jaımen qamtamasyz etildi», - dedi ákim. Byltyr Beıneýdegi 14 kóshege 27,4 km. tas jol tóselingen. Sondaı-aq, 56 kóshege 113 mln teńgege elektr jelisin júrgizý, qýaty 50 MVt. kún jáne 50 MVt. jel elektr stansııalaryn salý josparlanyp otyr. «Aýdannyń demografııalyq ahýaly da joǵary. Osy jyldar ishinde aýdandaǵy halyq sany úsh esege jýyq ósip, 66 myńǵa jetti. О́simniń úshten biri elge oralǵan qandastarymyzdyń esebinen bolsa, úshten ekisi ishki mıgrasııa men tabıǵı ósim. 1991 jylmen salystyrǵanda týý 2 ese ósip, sábıler shetineýi 5 ese azaıǵan», - dep túsindirdi ol. Budan bólek, qazirgi tańda aýdan halqyna qajetti deńgeıde dárigerlik kómek kórsetýge tolyq múmkindik bar. Búgingi tańda aýdanda 32 mamandyq boıynsha 112 dáriger men 415 arnaýly orta bilimdi maman jumys isteıdi. Aýdanymyzda jańadan 5 aýyldyq okrýg qurylǵan.