Qazaqstan quramasynyń iri jeńisinen keıin FISU hokkeıge ózgeris engizedi

Halyqaralyq stýdentter oıyny qaýymdastyǵy (FISU) Almaty qalasynda ótken Búkilálemdik 28-shi qysqy Ýnıversıadaǵa qatysqan hokkeı quramalarynyń deńgeılerine kóńili toldy, degenmen de jarystyń ótkizilý úlgisin ózgertýdi jón kóripti. Bul jóninde FISU Oleg Matysın málimdedi, dep habarlady vesti.kz. Jarystyń alǵashqy kúni hokkeıden Qazaqstan erler quramasy qytaılyq qarsylastarynyń qaqpasyna jaýapsyz 22 shaıba soqqan. Al aqtyq oıynda qazaqstandyq hokkeıshiler reseılikterge 1:0 esebimen jeńilip, kúmis júldege ıe boldy. «Hokkeı matchtarynyń deńgeıin kórip, qýanyp qaldyq. Sportshylar Ýnıversıada oıyndaryna qatysý týraly túrli pikirde. Fınaldyq matchtar óte joǵary deńgeıde ótti. Alaıda, bul jarysta keıbir quramalardyń deńgeıinde jer men kókteı aıyrmashylyq bar ekenin kórsetip bergendeı. 22:0 sekildi esepti boldyrmaý úshin FISU hokkeıden ótetin jarystyń úlgisin ózgertýdi sheshti. Múmkin quramalardyń deńgeıin saralaı otyryp, eki topqa bólemiz. Qatysýshy ujymdardyń daıyndyǵy jaqsy ekeni bilinip turdy. Tóreshilerdiń jumysyna da oń baǵa berildi. Árıne, keıbir jerde qatelesip jatty», – dedi Olen Matysın.